შაბ, 03 დეკემბერი
შაბ, 03 დეკემბერი
ახალი ამბები:
ENG
27.12.2015 | 21:52

5 წიგნი, მარკ ცუკერბერგისგან რომელიც აუცილებლად უნდა წაიკითხოთ

კატეგორია: განათლება
მსოფლიოში ცნობილი ბიზნესმენები, ინვეტორები და კომპანიების დამფუძნებლები ხშირად ადგენენ იმ წიგნების სიას, რომლის წაკითხვასაც საზოგადოებას ურჩევენ. "ფეისბუქის" დამფუძნებელმა თავის რჩეულ წიგნებზე საკუთარ "ფეისბუქ“ გვერდზე დაწერა. ცუკერბერგის რჩეული წიგნების უმეტესად სამეცნიერო ხასიათისაა.
 
1. რატომ მარცხდებიან ერები (Why Nations Fail) – წიგნი პირველად 2012 წელს გამოიცა, მისი ავტორები კი ეკონომისტი დარენ აკემოგლუ და პოლიტიკის მეცნიერების მკვლევარი ჯეიმს რობინსონი არიან. ავტორების მტკიცებით, ქვეყნის ეკონომიკური ზრდა გრძელვადიან პერიოდში მის სიმდიდრესა და სტაბილურობას ყოველთვის არ უზრუნველყოფს. მეცნიერები ამბობენ, რომ ექსტრაქტულ მთავრობებზე მეტად ინკლუზიური მთავრობების მმართველობა ამართლებს, რაც ქვეყანაში ღია ბაზარს ქმნის, მოქალაქეებს კი მეტი ინვესტირების საშუალებას აძლევს. როგორც ცუკერბერგი აღნიშნავს, წიგნი მას გლობალური სიღარიბის ფაქტის ამოხსნაში ეხმარება.

2. რაციონალური ოპტიმიზმი, - წიგნის ავტორი მატ რიდლია, წიგნის გამოშვების თარიღი 2010 წელია. ავტორის მტკიცებით ბაზრის მთავარი წყარო ადამიანური პროგრესია, პროგრესის მიღწევისთვის კი ადამიანებისთვის მაქსიმალური თავისუფლებაა საჭირო. ცუკერბერგი ამბობს, რომ წიგნი მისი პირველი არჩევანის (რატომ მარცხდებიან ერები) საწინააღმდეგო დებულებას ეფუძნება. პირველ შემთხვევაში მეცნიერები წერენ, რომ სოციალური და პოლიტიკური ძალები ეკონომიკური ძალების კონტროლს ახდენენ.

3. სიღარიბის პორთფოლიო (Portfolios of the Poor), - წიგნის ავტორები თითქმის 10 წლის განმავლობაში სწავლობდნენ ინდოეთის, სამხრეთ აფრიკისა და ბანგლადეშის დაბალი კლასის ფინანსურ ცხოვრებას. რატომ ცხოვრობს მსოფლიოში მილიონობით ადამიანი დღეში 1 დოლარად? - მეცნიერები ამბობენ, რომ ერთ-ერთი მთავარი მიზეზი ფინანსურ ინსტიტუტებზე ხელმიუწვდომლობაა.

4. გენომი, - ეს მატ რიდლის მიერ დაწერილი მეორე წიგნია, რომელიც მარკ ცუკერბერგის სიაში მოხვდა. წიგნი გასული საუკუნის ბოლოს დაიწერა და მისი ავტორი ადამიანური ქცევის საფუძვლებს მის გენეტიკაში ეძებს.

5. რელიგიური გამოცდილების ნაირფეროვნება, - ამერიკელი უილიამ ჯეიმსის ნაშრომი სხვადასხვა რელიგიურ მიმართულებებზე და ინდივიდების მიერ რელიგიის გამოყენებაზეა შექმნილი.
უკან დაბრუნება
601ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი