შაბ, 10 დეკემბერი
შაბ, 10 დეკემბერი
ახალი ამბები:
ENG
16.12.2015 | 17:45

არჩილ გაჩეჩილაძე: იმისთვის, რომ ქვეყანა განვითარდეს საკუთრების უფლებები დაცული უნდა იყოს

კატეგორია: ბიზნესი
"იმისთვის, რომ ქვეყანა განვითარდეს საკუთრების უფლებები დაცული უნდა იყოს", - აღნიშნულის შესახებ არჩილ გაჩეჩილაძემ გადაცემაში „ბიზნესკონტაქტი“ განაცხადა. გაჩეჩილაძე საპოლიციო გამოსახლების ინსტიტუტის გაუქმებას უარყოფითან აფასებს და აღნიშნავს, რომ სასურველია თუ პრეზიდენტი აღნიშნულ კანონპროექტს ვეტოს დაადებს.
 
"ძალიან ცუდი რაღაც მოხდა. ვფიქრობ, რომ ასეთი ტიპის კანონის მიღება საქართველოს განვითარების ამ ეტაპისთვის ძალიან ცუდია. მარტივად რომ ვთქვა სახელმწიფო ინსტიტუტების მოწყობის უამრავი მეცნიერი აღნიშნავს, რომ იმისთვის, რომ ქვეყანა განვითარდეს საკუთრების უფლებები დაცული უნდა იყოს. ამაში იგულისხმება როგორც რეესტრი, ისე სასამართლო. ეს უფრო მნიშვნელოვანია, ვიდრე ნებისმიერი სხვა რამ, მათ შორის დემოკრატია. როდესაც საკუთრების უფლებას ვარყევთ, ეს ძალიან ცუდია და პრეზიდენტის ვეტოც თუ მოჰყვება ამას კარგი იქნება, თუ არა საკონსტუტიიციო სასამართლოში საკუთრების ფუნდამენტური უფლების შერყევა ხდება. რაც შეეხება იმ არგუმენტს, რომ ევროპაში ეს ასეა, მთელი ევროპის ყველაზე ცუდი კანონები და რეგულაციები ჩვენ რომ აქ მოვაგროვოთ, ამით არაფერი გამოვა", - განაცხადა გაჩეჩილაძემ.

შეგახსენებთ, რომ კანონპროექტის მიხედვით, კოდექსიდან ხდება იმ ნორმის ამოღება, რომელიც ეხება მესაკუთრის მოთხოვნით, შესაბამისი სამართალდამცავი ორგანოს მიერ უძრავ ნივთზე ხელშეშლის აღკვეთას სასამართლოს გადაწყვეტილების გარეშე. ასევე, კანონის შესაბამისი მუხლებიდან ამოღებული იქნება უძრავი ქონების შემძენის განცხადება სხვისი მფლობელობიდან და სარგებლობიდან უძრავი ქონების გამოთხოვის შესახებ.
უკან დაბრუნება
1556ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი