კვი, 11 დეკემბერი
კვი, 11 დეკემბერი
ახალი ამბები:
ENG
19.01.2016 | 11:50

დისტანციური მომსახურება ბანკებისგან, - ინტერნეტ-მობაილ-SMS ბანკინგი

კატეგორია: საფინანსო სექტორი
დისტანციური საბანკო მომსახურება ყველაზე სწრაფი, მოსახერხებელი და უსაფრთხო გზაა იმისთვის, რომ ნებისმიერ დროს მივიღოთ სასურველი ინფორმაცია და შევასრულოთ სხვადასხვა საბანკო ოპერაცია ბანკში მიუსვლელად.
 
ქართული კომერციული ბანკები მრავალფეროვან დისტანციურ მომსახურებას გვთავაზობენ, რომელთა ღირებულებაც სხვადასხვაა. მათ შორის ყველაზე პოპულარულია:

• ინტერნეტ-ბანკი - ინტერნეტის საშუალებით შეგვიძლია განვკარგოთ ჩვენი საბანკო ანგარიშები და განვახორციელოთ საბანკო ოპერაცია როგორც საკუთარ ანგარიშებს შორის, ისე საქართველოს და საზღვარგარეთის მასშტაბით. ინტერნეტ ბანკის დახმარებით შესაძლებელია ისეთი საბანკო ოპერაციების შესრულებაც, როგორიც არის სასესხო განაცხადების შევსება, ანაბრის გახსნა და სხვა.

• მობაილ-ბანკი არის მარტივი და უსაფრთხო მობილური აპლიკაცია, რომლის საშუალებით განვახორციელებთ თითქმის ყველა იმ საბანკო ოპერაციას, რისი შესრულებაც შესაძლებელია ინტერნეტ ბანკით.

• SMS ბანკინგი - გულისხმობს SMS-ის საშუალებით მომხმარებლისთვის მარტივი მომსახურებების გაწევას, როგორიცაა ინფორმირება მის მიერ განხორციელებული ოპერაციების შესახებ, ანგარიშზე არსებული ნაშთის შესახებ, მარტივი გადახდის ოპერაციების განხორციელება (მაგ. მობილური ტელეფონის ბალანსის შევსება), ბარათის დაკარგვის შემთხვევაში პლასტიკური ბარათის დაბლოკვა (ან ადრე დაბლოკილ ბარათზე ბლოკის მოხსნა) და სხვა.

• კიდევ ერთი ელექტრონული საბანკო მომსახურებაა სატელეფონო ბანკინგი. 24 საათის განმავლობაში ჩვენ შეგვიძლია განვახორციელოთ საბანკო ოპერაციები ცხელი ხაზის დახმარებით. იმისთვის, რომ ეს მომსახურება იყოს უსაფრთხო კომერციული ბანკები მომხმარებლის იდენტიფიკაციისთვის სხვადასხვა მეთოდს იყენებენ.
ბანკები საკმაოდ დიდ რესურსს ხარჯავენ სხვადასხვა დისტანციური პროდუქტების პოპულარიზაციაზე. პარალელურად, უმჯობესდება ტექნიკური მხარე, იზრდება იმ მომსახურების ჩამონათვალი, რომელთა მიღება შეგვიძლია სახლიდან გაუსვლელად, დროის ნებისმიერ მონაკვეთში.

მარიამ აფრიდონიძე
საზოგადოება და ბანკები
უკან დაბრუნება
932ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი