ხუთ, 08 დეკემბერი
ხუთ, 08 დეკემბერი
ახალი ამბები:
ENG
14.12.2015 | 15:41

ეროვნულ ბანკში სამართლებრივი აქტების ონლაინ პორტალი ამოქმედდა

კატეგორია: საფინანსო სექტორი
საქართველოს ეროვნული ბანკის მიერ გამოცემული სამართლებრივი აქტების და ეროვნული ბანკის საქმიანობასთან დაკავშირებული კანონმდებლობის სისტემატიზაციისა და საძიებო სისტემის შემუშავების მიზნით, საქართველოს ეროვნულმა ბანკმა ონლაინ საძიებო პორტალი შექმნა.
 
სებ-ის ცნობით, ელექტრონული პორტალი ეროვნული ბანკის ოფიციალურ ვებგვერდზე იქნება მიბმული და საშუალებას მისცემს ნებისმიერ დაინტერესებულ პირს მარტივად მოიძიოს საქართველოს საფინანსო სექტორთან დაკავშირებული მისთვის საინტერესო სამართლებრივი აქტები ელექტრონულად, როგორც მოქმედი ისე ძალადაკარგული, ასევე მათი ვერსიები.

"სისტემის საძიებო საიტი საშუალებას მისცემს მომხმარებელს მოიძიოს დოკუმენტი სათაურში სიტყვით ან ფრაზით, დოკუმენტის ნომრის მიხედვით, დროის პერიოდის მიხედვით, წლების მიხედვით, დოკუმენტის თემატიკის, დოკუმენტის მიმღები ორგანოსა და ხელმომწერი პირის მიხედვით და ა.შ. პორტალის მისამართია -www.legal.nbg.gov.ge , რომელზე გადასვლა ეროვნული ბანკის ვებგვერდიდანაც არის შესაძლებელი.

შეგახსენებთ, მიმდინარე წელს, საქართველოს ეროვნულმა ბანკმა, ფინანსურ სექტორს სამართლებრივი რეგულირების სახელმძღვანელო შესთავაზა. გამოცემა საქართველოს ეროვნული ბანკისა და ფინანსური სექტორის საქმიანობის შესახებ ნორმატიული აქტების კრებულს წარმოადგენს", - განმარტავენ ეროვნულ ბანკში.
უკან დაბრუნება
282ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი