შაბ, 10 დეკემბერი
შაბ, 10 დეკემბერი
ახალი ამბები:
ENG
26.11.2015 | 13:18

ღამის საათებში ხმაური კანონით არ აიკრძალება - კანონპროექტი ჩავარდა

ავტორი: საქმიანი დილა
კატეგორია: ეკონომიკა
ღამის საათებში ხმაური კანონით აღარ აიკრძალება. რამდენიმე თვიანი განხილვის შემდეგ ხმაურის შესახებ კანონპროექტი პარლამენტის ჯანდაცვის კომიტეტმა ჩააგდო. აღნიშნულის შესახებ გადაცემა “საქმიან დილაში’’ საკრებულოს იურიდიულ საკითხთა კომისიის თავმჯდომარე, თედო კობახიძე აღნიშნავს, რომ კომიტეტის გადაწყვეტილება სამართლებრივად გაუმართლებელია და მისი დაწუნება კონკრეტული ბიზნეს ინტერესების გათვალისწინებას უკავშირდება.
 
"იურიდიული და სამართლებრივი მხრივ დაწუნებული ვერანაირად ვერ იქნა. აბსოლუტურად გამართული და შეჯერებული იყო ეს კანონპროექტი მთელ რიგ უწყებებთან. თუმცა, რამდენადაც ჩემთვის ცნობილია, სამწუხაროდ ამ ეტაპზე აღნიშნული კანონპროექტი ინიციატორმა  ეს პროექტი გაითხოვა გაურკვეველი მიზეზებსის გამო. ჩვცენ აუცილებლად მივუბრუნდებით ამ საკითხს და არა მხოლოდ თბილისის საქართველოს მოსახლეობას შევთავაზებთ მყუდრო და მშვიდ ცხოვრებას. ბიზნესის კეთება, თუ ნებისმიერი სხვა გართობა ვირაცის ჯანმრთელობისა და სიცოცხლის ფასად არ უნდა ხდებოდეს,’’- განაცხადა თედო კობახიძემ.
 
კანონპროექტის შექმნის ინიციატორი საკრებულოს დამოუკიდებელი დეპუტატი ალეკო ელისაშვილი იყო. დეპუტატი პარლამენტის თავმჯდომარისთვის ოფიციალური წერილის გაგზავნას აპირებს და ამბობს, რომ პარლამენტი ვალდებულია კანონპროექტის განხილვას დაუბრუნდეს.
 
"ხალხი იმედოვნებდა, რომ ეს წესი ოქტომბრიდან ამოქმედდებოდა. ვფიქრობ, რესტორნების მფლობელთა ლობი ჩაერთო და კანონპროექტი შეაჩერეს. ამის გამო ხმაური გრძელდება და ადამიანისთვის ქალაქში ცხოვრება შეუძლებელია ცალკე ამ რესტორნების განგრძობითი და მრავალჯერადი ხმაურისა და ცალკე ფეიერვერკების აფეტქების გამო," - აღნიშნავს ალეკო ელისაშვილი.
უკან დაბრუნება
335ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი