კვი, 11 დეკემბერი
კვი, 11 დეკემბერი
ახალი ამბები:
ENG
12.01.2016 | 16:38

გერმანიის ელჩი: თქვენი საშინაო პოლიტიკა მუდმივად მაოცებს

კატეგორია: საზოგადოება
"მინდა გითხრათ რომ თქვენი საშინაო პოლიტიკა მუდმივად მაოცებს", - აღნიშნულის შესახებ, გერმანიის ელჩმა საქართველოში, ბეტინა კატენბახმა „ბიზნესკონტაქტთან“ ინტერვიუში განაცხადა. ელჩის თქმით, საქართველოს სამოქალაქო საზოგადოება ძალიან აქტიური და თავდაჯერებულია.
 
"იმისათვის რომ თუნდაც 6 თვის მუშაობის შემდეგ შეფასება გავაკეთო საქართველო ზედმეტად კომპლექსური ქვეყანაა, თუმცა მინდა გითხრათ რომ თქვენი საშინაო პოლიტიკა მუდმივად მაოცებს. საქართველოს მოსახლეობა ძალიან მრავალფეროვანი და ერთმანეთისგან განსხვავებულია და ეს მრავალფეროვნება ვფიქრობ რომ უფრო მეტად შეიძლება რომ აისახოს თქვენს პოლიტიკაზე. საქართველოს სამოქალაქო საზოგადოება ძალიან აქტიური და თავდაჯერებულია და მას მნიშვნელოვანი როლი აკისრია, რათა დააკვირდეს პოლიტიკას და კრიტიკულად შეაფასოს იგი. ჩვენ მხარს ვუჭერთ სამოქალაქო საზოგადოებას. ძალიან მნიშნელოვანია მედიის თავისუფლების საკითხიც. ამას ითვალისწინებს ასოცირების ხელშეკრულებაც. პოლიტიკურ პარტიებს ერთადერთი მიზანი უნდა ამოძრავებდეთ, და ეს მიზანია ქვეყნის განვითარება და მისი წინსვლა. რასაკვირველია ამის მიღწევისთვის შეიძლება არსებობდეს განსხვავებული იდეები და კონცეფციები, თუმცა ყველა პარტიის ქმედება უნდა იყოს კონსტრუქციული. ასე იყო გერმანიის შემთხვევაშიც. დიდი ინტერესით ველი იდეებისა და კონცეფციების შეჯიბრს საქართველოში მომავალი საარჩევნო კამპანიის ფარგლებში. ჩემთვის როგორც ელჩისთვის საქართველოს მთავრობასთან და სხვა პარტნიორებთან თანამშრომლობა უპრობლემოდ მიმდინარეობს. აქ ყოფნა ჩემთვის ძალიან სასიამოვნოა", - განაცხადა ელჩმა "ბიზნესკონტაქტთან" ინტერვიუში.
უკან დაბრუნება
574ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი