შაბ, 03 დეკემბერი
შაბ, 03 დეკემბერი
ახალი ამბები:
ENG
06.01.2016 | 17:49

იანვარში სამხედრო მოსამსახურეების ჯანმრთელობის ხარჯებს თავდაცვის სამინისტრო დაფარავს

კატეგორია: საზოგადოება
საქართველოს თავდაცვის მინისტრის განცხადებით, სამხედრო მოსამსახურეებისა და მთლიანად თავდაცვის სამინისტროს თანამშრომელთა დაზღვევის პროგრამა 1-ელი თებერვლიდან ამოქმედდება. მიმდინარე წლის იანვარში კი სამედიცინო მომსახურების ხარჯებს თავდაცვის სამინისტრო აანაზღაურებს.

"აქ არაფერია საიდუმლო. ჩავარდა ტენდერი, რომელიც გამოცხადებული იყო, ეს არ არის სასიამოვნო, მაგრამ ჩვეულებრივი ამბავია. იანვარში ჯანდაცვასთან დაკავშირებულ ყველა ხარჯს თავდაცვის სამინისტრო აანაზღაურებს, 1-ელი თებერვლიდან კი, დაზღვევა ჩვეულებრივ გაგრძელდება. სამხედროებისთვის, ამ თვალსაზრისით, არაფერი შეცვლილა, მათ ჯანმრთელობაზე ზუსტად ისევე იზრუნებს თავდაცვის სამინისტრო, როგორც დაზღვევის დროს ზრუნავდა, უბრალოდ, სამხედროებს სადაზღვევო ბარათი 1-ელი თებერვლიდან ექნებათ ჯიბეში, ნაცვლად 1-ელი იანვრისა", - განაცხადა ჟურნალისტებთან საუბრისას თინათინ ხიდაშელმა.

უკან დაბრუნება
220ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი