შაბ, 10 დეკემბერი
შაბ, 10 დეკემბერი
ახალი ამბები:
ENG
13.12.2015 | 11:53

ირაკლი ღარიბაშვილი: ჩვენი ქვეყანა იბრუნებს ისტორიულ მისიას

კატეგორია: ეკონომიკა
ჩინეთიდან თბილისში პირველი სატრანზიტო მატარებელი შემოვიდა. მატარებლის შემოსვლას პრემიერ-მინისტრი ირაკლი ღარიბაშვილი დაესწრო. როგორც პრემიერმა აღნიშნა აბრეშუმის გზის პროექტი საქართველოში დამატებით ინვესტიციებს და სამუშაო ადგილებს შექმნის.
 
"დღეს მართლაც ისტორიული დღეა, აბრეშუმის გზის ფარგლებში საქართველოს გაივლის პირველი ტრანზიტული მატარებელი, რომელიც ტვირთს ჩაიტანს ჩინეთიდან თურქეთში. აბრეშუმის გზის ამოქმედებით, ჩვენი ქვეყანა იბრუნებს იმ ისტორიულ მისიას, რომელიც მას აკისრია საუკუნეების განმავლობაში. ჩვენ დღეს ვიწყებთ რეალური წვლილის შეტანას საყოველთაო ეკონომიკური კეთილდღეობის უზრუნველსაყოფად. საუკუნეების განმავლობაში, აბრეშუმის გზა იყო ყველაზე მნიშვნელოვანი სახმელეთო გზა, რომელიც აკავშირებდა ევროპასა და აზიას. ისტორიული აბრეშუმის გზის იდეა ჩინეთის პრეზიდენტს ეკუთვნის. ჩვენ ამ საკითხზე მუშაობა 2 წლის წინ დავიწყეთ.

აქამდე ჩინეთიდან ევროპაში პრდუქციის გადაზიდვა ძირითადად ხდებოდა ზღვით, რასაც დიდი დრო მიაქვს. აბრეშუმის გზის ქვეყნებთან თანამშრომლობა ჩვენ მოგვცემს საშუალებას რომ ვაწარმოოთ ჩინეთიდან ევროპაში გადაზიდვები ბევრად უფრო სწრაფად და იაფად.

მე მიხარია, რომ სიმბოლურად ჩვენს მატარებელს ამშვენებს ყაზახეთის, აზერბაიჯანის, საქართველოს და ევროკავშირის დროშები. ჩვენ შეგვიძლია 8-10 დღეში ტვირთი მივიღოთ საქართველოში. აბრეშუმის გზა ეს არის იაფი და მოკლე გზა, ჩვენი ქვეყანა ამ უმოკლესი მარშუტის ნაწილია“, - განაცხადა პრემიერმა
უკან დაბრუნება
217ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი