შაბ, 10 დეკემბერი
შაბ, 10 დეკემბერი
ახალი ამბები:
ENG
29.12.2015 | 15:23

ივა ჭყონია ხადურის განცხადებაზე: წარმოუდგენელი ფრაზები მოვისმინე - ჩვენთან თურმე ურთიერთობა არ შეიძლება

კატეგორია: ბიზნესი
"წარმოუდგენელი ფრაზები მოვისმინე - ჩვენთან თურმე ურთიერთობა არ შეიძლება“, - აღნიშნულის შესახებ კომპანია "გრანდის"დამფუძნებელმა ივა ჭყონიამ ნოდარ ხადურის განცხადების საპასუხოდ განაცხადა. ბიზნესმენი თვლის, რომ თუ მთავრობას კონკრეტულ ბიზნესმენებთან ახლო კონტაქტი არ ექნება, ახალ გუნდს "არანაირი მომავალი" არ ექნება.
 
"ბიზნესმენი თუ არ იქნება, არც ბიზნესი იარსებებს. რასაც ვუსმინე, ამას მხოლოდ იუმორის სახე შეგვიძლია მივცეთ. დაახლოებით ისეთივე, როგორიც ერთ-ერთმა ჩვენმა თვალსაჩინო პარლამენტარმა ახსნა "იბიარდი", ამდაგვარი რაღაც გამახსენდა. როგორ შეიძლება მეგობრული იყო ბიზნესთან და არა ბიზნესმენებთან? ვთვლი, რომ თუ მთავრობას კონკრეტულად ბიზნესმენებთან ახლო კონტაქტი არ ექნება, არანაირი მომავალი თუნდაც ახალ გუნდს არ ექნება. იმედი მაქვს, რომ ამ ყველაფერს ახალი პრემიერი გაითვალისწინებს, გულისყურით მოეკიდება და მხოლოდ ამის შემდეგ მიიღებს გადაწყვეტილებებს, მის გუნდში მუშაობას ვინ გააგრძელებს.

თითოეული ჩვენგანი, თითოეული ბიზნესმენი, რომლებსაც ჩვენი ქვეყნის ბიუჯეტში მილიონობით ლარი შეგვაქვს და ათასობით ადამიანი გვყავს დასაქმებული, მთავრობა უნდა უფრო ახლოს დაგვიადგეს, მეტად მოგვისმინოს და უფრო მეტად მიიტანოს ჩვენი გულის ტკივილი და არა ისე, როგორც ეს ნოდარ ხადურმა განაცხადა. ჩვენთან თურმე ურთიერთობა არ შეიძლება, - წარმოუდგენელი ფრაზები მოვისმინე", - განაცხადა ჭყონიამ.

შეგახსენებთ, რომ ბიზნესთან ურთიერთობაზე კომენტარი ნოდარ ხადურმა გუშინ გაერთიანებული კომიტეტების სხდომაზე გააკეთა. მისი თქმით, ფინანსთა სამინისტრო მეგობრული იქნება ბიზნესისადმი და არა ბიზნესმენებისადმი.

უკან დაბრუნება
373ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი