ორშ, 05 დეკემბერი
ორშ, 05 დეკემბერი
ახალი ამბები:
ENG
30.12.2015 | 15:17

კომერციულ ბანკებში დეპოზიტებისა და სესხების მოცულობა გაიზარდა

კატეგორია: საფინანსო სექტორი
საბანკო სექტორში განთავსებული არასაბანკო დეპოზიტების მოცულობამ 2015 წლის პირველი დეკემბრისათვის 14.1 მლრდ ლარს მიაღწია, რაც 198.8 მლნ ლარით ანუ 1.4 პროცენტით მეტია პირველი ნოემბრისათვის არსებულ მაჩვენებელზე (გაცვლითი კურსის ცვლილების ეფექტის გარეშე ნოემბერში დეპოზიტების მოცულობა 1.2 პროცენტით გაიზარდა).
 
ეროვნული ბანკის ცნობით, ნოემბერში, წინა თვესთან შედარებით, ადგილი ჰქონდა ვადიანი დეპოზიტების ზრდას 131.1 მლნ ლარით ანუ 1.7 პროცენტით (გაცვლითი კურსის ცვლილების ეფექტის გარეშე 1.4 პროცენტით), ხოლო მოთხოვნამდე დეპოზიტები გაიზარდა 67.6 მლნ ლარით, ანუ 1.1 პროცენტით (გაცვლითი კურსის ცვლილების ეფექტის გარეშე ზრდამ 1.0 პროცენტი შეადგინა).

დეპოზიტების ლარიზაციის კოეფიციენტმა მიმდინარე წლის პირველი დეკემბრისათვის 31.01 პროცენტი შეადგინა - პირველი ნოემბრის მდგომარეობასთან შედარებით 0.13 პროცენტული პუნქტით ნაკლები (გაცვლითი კურსის ეფექტის გამორიცხვით, 0.06 პროცენტული პუნქტით ნაკლები).

ვადიან დეპოზიტებზე საშუალო წლიურმა შეწონილმა საპროცენტო განაკვეთმა 5.6 პროცენტი შეადგენა, მათ შორის ეროვნული ვალუტით განთავსებულ დეპოზიტებზე - 11.9 პროცენტი, ხოლო უცხოური ვალუტით განთავსებულ დეპოზიტებზე - 4.4 პროცენტი.

უცხოური ვალუტით განთავსებულ დეპოზიტებში აშშ დოლარის წილმა 81.6 პროცენტი, ხოლო ევროს წილმა 15.7 პროცენტი შეადგინა.

კომერციული ბანკების საკრედიტო დაბანდების მოცულობა, 2015 წლის ნოემბერში, წინა თვესთან შედარებით 17.8 მლნ ლარით (0.1 პროცენტით) გაიზარდა და 2015 წლის პირველი დეკემბრისათვის 15.8 მლრდ ლარს გადააჭარბა. ამავე პერიოდში, ეროვნული ვალუტით გაცემული სესხების მოცულობა 71.4 მლნ ლარით (1.3 პროცენტით) შემცირდა, ხოლო უცხოური ვალუტით გაცემული სესხების მოცულობა 89.2 მლნ ლარით (0.9 პროცენტით) გაიზარდა.
უკან დაბრუნება
270ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი