შაბ, 10 დეკემბერი
შაბ, 10 დეკემბერი
ახალი ამბები:
ENG
12.01.2016 | 17:26

კომპანია Mercedes-Benz-მა დეტროიტის ავტოშოუზე, ახალი E-Class წარმოადგინა

კატეგორია: მსოფლიო
კომპანია Mercedes-Benz -მა დეტროიტის ავტოშოუზე, რომელიც დღეს გაიხსნა, ახალი E-Class წარმოადგინა.
 
ავტომობილს, რომელსაც კომპანიის სამოდელო გამაში ერთ-ერთი მთავარი ადგილი უკავია, როგორც გაყიდვების, ასევე შემოსავლების კუთხით, მნიშვნელოვანი როლი აკისრია - ღირსეული კონკურენცია გაუწიოს უშუალო მეტოქეებს - Audi A6-ს და BMW 5 Series-ს, რომლებთანაც გაყიდვების კუთხით ბოლო რამდენიმე წელია პოზიციებს თმობს.

ამისთვის სამქიმიანებმა ახალი "ე კლასი“ უახლესი ტექნოლოგიებით აღჭურვეს. ავტომობილი გამოირჩევა ისეთი ფუნქციებით, რომლებიც საფლაგმანო S-class-საც კი არ გააჩნია.

დასავლური მედიის ცნობით, ახალი თაობის E-Class პრაქტიკულად ნახევრად ავტონომიურია და ამ მხრივ "შტუტგარტელებმა“ დიდი ნაბიჯი გადაგეს წინ. გარდა ამისა, გამორჩეულია მისი აეროდინამიკურობის კოეფიციენტიც ამ კლასში, რომელიც 0,23-ს უდრის.

რაც შეეხება ვიზუალურ მხარეს, სიახლე წინა მოდელთან შედარებით, გაბარიტებში ოდნავ გაზრდილია, ხოლო გარეგნულად უფრო S class-ს ჰგავს, ვიდრე C class-ს.

ავტომობილის გაყიდვები ევროპაში გაზაფხულზე დაიწყება, რის შემდეგაც, მისი სხვადასხვა ვერსიები გამოვა. მათ შორის უნივერსალი, კუპე და კაბრიოლეტი. ავტომობილის სასტარტო ღირებულება 40 ათასი ევროდან დაიწყება.
უკან დაბრუნება
252ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი