ოთხ, 07 დეკემბერი
ოთხ, 07 დეკემბერი
ახალი ამბები:
ENG
17.12.2015 | 14:58

კორეის ელჩი: საქართველოს ეკონომიკა სწრაფად მზარდი და მდგრადია

ავტორი: ელენე ჩომახიძე
კატეგორია: ეკონომიკა
თბილისში სამხრეთ კორეის საელჩო გაიხსნა. როგორც გახსნის ცერემონიალზე მოწვეულმა დიპლომატიური კორპუსის წარმომადგენლებმა და საქართველოს მთავრობის წარმომადგენლებმა აღნიშნეს საქართველოსა და სამხრეთ კორეას შორის სავაჭრო-ეკონომიკური ურთიერთობების განვითარების დიდი პოტენციალი უკვე არსებობს.
 
კორეის ელჩი კიმ ჩან გიუ „ბიზნესკონტაქტთან“ საუბრისას აცხადებს, რომ საქართველოს ეკონომიკა სწრაფად მზარდია, თუმცა ის ხელისფლებას უცხოეთის ბაზრების ათვისებისთვის მეტ მუშაობას ურჩევს.

„მინდა აღვნიშნო რომ თქვენი ეკონომიკა სწრაფად მზარდი და მდგრადია . საქართველოს დემოკრატიიდან და ღია ბაზრიდან გამომდინარე მე დარმწუნებული ვარ რომ თქვენი ეკონომიკა ზრდას გააგრძელებს და კიდევ უფრო მდგრადი იქნება ვიდრე ეხლა არის. იქიდან გამომდინარე რომ საქართველოს განვითარებადი ქვეყანაა, ხელისუფლებას ვურჩევდი აქტიურად იმუშაოს ქვეყანის დემოკრატიული პრინციპებით განვითარებაზე და რაც შეიძლება ხელმისაწვდომი გახადოს ქართული ბაზარი უცხოეთისთვის. ამასთანავე მიმაჩნია რომ დრევანდელი მმართველობის სისტემა უკვე მოსაწონი და მიმზიდველია უცხოელი ინვესტორებისა და ტურისტებისთვის. ზოგადად უცხოელი ინვესტიციების როლი ძალიან დიდია თქვენს ეკონომიკურ განვითარებაში და საქართველო სწორ გზაზე დგას ამ თვალსაზრისით“, - განაცხადა ელჩმა.

სამხრეთ კორეის ელჩმა ბიზნესკონტაქტთან საუბარში აღნიშნა რომ ჩვენი ქვეყნით უკვე დაინტერესებულია არაერთი მსხვილი ინვესტორი , მათ შორის კორეელი ინვესტორებიც. ელჩმა დადებითად შეაფასა საქართველოს ხელისუფლების ძალისხმევა უცხოურ ქვეყნებთან ურთიერთობებისა და თანამშრომლობის თვალსაზრისით.

„გამოვყოფდი 3 ძირითად სექტორს, რომელიც ინვესტიციების თვალსაზრისით ყველაზე მომგებიანია თქვენს ქვეყანაში: პირველი ესაა ტურიზმი, ასევე უმნიშვნელოვანესია სატრანსპორტო სფერო, რადგან საქართველო ძალიან სტრატეგიული ლოკაციაა ამ თვალსაზრისით. გამოვყოფდი ენერგეტიკასაც, კერძოდ კი ჰიდროენეგეტიკას . თქვენი ქვეყანა ძალიან აქტიურია სხვადასხვა დასავლეთის ქვეყნებთან მნიშვნელოვანი და სტრატეგიული თანამშრომლობის მიმართლებით. როგორც იცით ასევე დასკვნით ფაზაშია თავისუფალი ვაჭრობის შესახებ შეთანხმება ჩინეთთან. უნდა აღვნიშნო რომ საქართველოს დიდი პოტენციალი აქვს მსხგავსი შეთანხმების კორეასთან გაფორმების და მე დარწმუნებული ვარ რომ ეს ძალიან მალე მოხდება.

ძალიან ბევრმა ქვეყანამ უკვე გააცნობიერა რომ საქართველო წარმოადგენს ტრანსპორტირების ძირითად ჰაბს და რომ თქვენი ქვეყანა ძალიან მნიშვნელოვან როლს თამაშობს აბრეშუმის გზის განხორციელებაში. მე მოხარული ვარ რომ თქვენი ხელისუფლება ძალებს არ იშურებს იმისათვის რომ ეს პროექტი განხორციელდეს და ზოგადად, უცხოელებმა დაინახონ რომ საქართველო ძალიან ბევრი მიმართლებით გამორჩეული ქვეყანაა“, - აცხადებს ელჩი.
უკან დაბრუნება
227ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი