შაბ, 03 დეკემბერი
შაბ, 03 დეკემბერი
ახალი ამბები:
ENG
24.12.2015 | 13:43

ლეჟავა: გიორგი კვირიკაშვილს ვერსად შევამჩნიე, რომ ლიდერის პოზიციიდან შეუძლია მოქმედება

კატეგორია: ეკონომიკა
თავისუფალი უნივერსიტეტის კანცლერი, ვატო ლეჟავა პრემიერის პოსტიდან წასვლის შემდეგ ქვეყანაში ბიზნესისთვის ცვლილებას არ ელოდება. ლეჟავა „ბიზნესკონტაქტთან“ საუბრისას აცხადებს, რომ სიტუაცია არც გიორგი კვირიკაშვილის პრემიერად დანიშვნის შემთხვევაში შეიცვლება. მისი თქმით, გიორგი კვირიკაშვილს შეუძლია ბიზნესს უფრო "გასაგებ ენაზე" ესაუბროს, თუმცა ეს საქმეზე არ აისახება.

"გიორგი კვირიკაშვილი იყო ეკონომიკის მინისტრი, ვიცე-პრემიერი და მე ვერსად ვერ შევამჩნიე რომ მას შეუძლია ლიდერის პოზიციიდან მოქმედება ან მკაფიო პოლიტიკის ჩამოყალიბება. თუ გულისხმობთ, რომ მას უფრო გასაგებ ენაზე შეუძლია ელაპარაკოს ბიზნესს, - ამას დაგიდასტურებთ, თუმცა საქმეში ეს არ აისახება. გასაგები გახდა, რომ ყველაფერი გაუგებარია. მგონია რომ პრემიერის წასვლას ბიზნესგარემოზე გავლენა არ ექნება, არ შეიცვლება სიტუაციაა. ბევრი პრობლემა, რომელიც საქართველოში იყო, სწორედ ამ გაუგებრობით იყო გამოწვეული. არ იყო ხედვა, არ იყო მოლოდინი რომ ქვეყანაში კურსი ან პოლიტიკა არსებობს, რომელიც გაგრძელდება ან გაძლიერდება, ამ კუთხით არაფერი შეიცვლება და ეს არის ცუდი", - განაცხადა ლეჟავამ.
უკან დაბრუნება
221ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი