შაბ, 10 დეკემბერი
შაბ, 10 დეკემბერი
ახალი ამბები:
ENG
12.01.2016 | 10:04

მაისურაძე: ვიცი არაპოპულარულია, მაგრამ ეკონომიკაში მეტ ფულს ჩავდებდი, ვიდრე სოციალურ პაკეტებში

კატეგორია: ეკონომიკა
"ვფიქრობ, რომ 2015 წელს დამატებით კიდევ ბევრი რესურსები არსებობდა, რომლებიც სახელმწიფოს შეეძლო გამოეყენებინა", - აღნიშნულის შესახებ პარლამენტარმა, თემურ მაიუსურაძემ „ბიზნესკონტაქტთან“ საუბრისას განაცხადა. დეპუტატი თვლის, რომ ეკონომიკაში მეტი ფულის ჩადება უნდა მოხდეს, ვიდრე ეს სოციალურ პაკეტებში ხდება.
 
"ზოგადად არა მხოლოდ ვარდნას აქვს გვერდითი მოვლენები, არამედ სწრაფი ტემპებით ზრდასაც. გვერდითი მოვლენები ყველაფერს გააჩნია. გააჩნია ეს გვერდითი მოვლენები ვისთვის არის სასარგებლო და ვისთვის არა. იმედი მაქვს, რომ 2016 წელს პროგნოზი იქნება გამართლებული და ვფიქრობ, რომ ნამდვილად გაცილებით მეტის მიღწევაა შესაძლებელი. ყველაფერი დამოკიდებულია იმაზე, თუ რამდენად კარგად შევძლებთ ჩვენ ამ რეგიონული შესაძლებლობების გამოყენებას. გაცილებით სწრაფი, მინიმუმ ორჯერ და სამჯერ მეტი სისწრაფის ზრდა გვჭირდება. იმიტომ, რომ ჩვენ გვესაჭიროება, რომ სწრაფად გავიაროთ საფეხურები, რომელსაც მე გამოტოვებულ გაკვეთილებს ვუწოდებ ხოლმე. ვფიქრობ, რომ 2015 წელს დამატებით კიდევ ბევრი რესურსები არსებობდა, რომლებიც სახელმწიფოს შეეძლო გამოეყენებინა. სახელმწიფო პროგრამები უფრო მეტად ეკონომიკურ განვითარებაზე უნდა ყოფილიყო ორიენტირებული. პოპულარული თემა არ ნიშნავს იმას, რომ ეს მართლაც ასე უნდა გაკეთდეს. თუ სახელმწიფოს უნდა, რომ სოციალური მიმართულებებით სერიოზული ზრდა გვქონდეს, სწორედაც რომ ეკონომიკას უნდა მივხედოთ. ამიტომ ჩემი არჩევანი რომ ყოფილიყო, ყურადღებას უფრო მეტად ეკონომიკაზე გავამახვილებდი. ეკონომიკაში უფრო მეტ ფულს ჩავდებდი, ვიდრე სოციალური პაკეტების ზრდაში. ვიცი, ეს არაპოპულარულია, მაგრამ ჩვენ რომ ხვალ გვყავდეს სოციალურად დაცული მოსახლეობა, უკეთესია, რომ დღეს მეტი ფული ეკონომიკაში ჩავდოთ", - აღნიშნა თემურ მაისურაძემ.
უკან დაბრუნება
190ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი