ორშ, 05 დეკემბერი
ორშ, 05 დეკემბერი
ახალი ამბები:
ENG
08.01.2016 | 12:08

მსოფლიო ბანკი: 2016 წელს საქართველოს ეკონომიკა 3%-ით, 2017-ში 4,5%-ით, 2018-ში კი 5%-ით გაიზრდება

კატეგორია: ეკონომიკა
მსოფლიო ბანკი მიმდინარე წელს საქართველოში 3 პროცენტიან ეკონომიკურ ზრდას პროგნოზირებს. ბანკის ანგარიშის მიხედვით, 2017 წელს საქართველოში ეკონომიკური ზრდა 4,5 პროცენტამდე გაიზრდება, 2018 წელს კი 5 პროცენტამდე.
 
მსოფლიო ბანკის გლობალური ეკონომიკური მიმოხილვის მიხედვით, 2015 წელს მსოფლიო ეკონომიკური ზრდა პროგნოზირებულზე ნაკლები იყო. ანგარიშის მიხედვით, მიმდინარე წელს რუსეთის ეკონომიკას კვლავ რეცესია ელოდება, -0,7 პროცენტით. 2017 წელს მსოფლიო ბანკი რუსეთში 1,3 პროცენტიან ეკონომიკურ ზრდას ელოდება.

რაც შეეხება რეგიონის სხვა ქვეყნებს, - სომხეთში მიმდინარე წელს მსოფლიო ბანკი 2,2 პროცენტიან ეკონომიკურ ზრდას ელოდება, 2017 წელს 2,8 პროცენტს, ხოლო 2018 წელს 3 პროცენტს.

0,8 პროცენტით განისაზღვრა 2016 წელს აზერბაიჯანის ეკონომიკური ზრდა, 2017 წლისთვის მსოფლიო ბანკი აზერბაიჯანში 1,2 პროცენტიან ეკონომიკურ ზრდას პროგნოზირებს, 2018 წლისთვის კი 2,7 პროცენტიანს.

მსოფლიო ბანკმა თურქეთის ეკონომიკური ზრდის პროგნოზი 2016-2017 წლებისთვის 3,5 პროცენტით განსაზღვრა.
უკან დაბრუნება
345ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი