კვი, 11 დეკემბერი
კვი, 11 დეკემბერი
ახალი ამბები:
ENG
21.12.2015 | 11:23

NDI: მოსახლეობის 60%-ს არ აქვს გადაწყვეტილი თუ, ვის მისცემს ხმას არჩევნებში

კატეგორია: ეკონომიკა
ეროვნულ-დემოკრატიული ინსტიტუტი ნოემბრის თვის საზოგადოებრივი აზრის კვლევის შედეგებს აქვეყნებს.
 
NDI-ის კვლევის მიხედვით საქართველოს მოსახლეობის 18%-ის თანახმად, ქართული ოცნება მათ შეხედულებებთან ყველაზე ახლოს მდგომი პარტიაა, 14%–თვის ასეთი ერთიანი ნაციონალური მოძრაობაა, 9%-თვის კი - ირაკლი ალასანია-თავისუფალი დემოკრატები. იმ ადამიანების რიცხვი, რომლებიც ამბობენ, რომ არცერთი პარტია არ დგას მათ შეხედულებებთან ახლოს, აგვისტოს გამოკითხვის შემდეგ, 42%-დან 30%- მდე შემცირდა. აგვისტოს შემდეგ, არჩევნებზე სავარაუდოდ წამსვლელი მოქალაქეების რაოდენობა 49%-დან 64%-მდე გაიზარდა; თუმცა მათ უმეტესობას კვლავაც არ აქვს გაკეთებული არჩევანი. კითხვაზე “ხვალ რომ საპარლამენტო არჩევნები ტარდებოდეს, გადაწყვეტილი გაქვთ თუ არა ვის მისცემთ ხმას”, გამოკითხულთა 60%–მა განაცხადა, რომ მას არ აქვს გადაწყვეტილი თუ ვისზე გააკეთებს არჩევანს. გადაწყვეტილება არ აქვს მიღებული იმ ადამიანების 50%–საც, რომლებიც ამბობენ, რომ აუცილებლად წავიდოდნენ არჩევნებზე ხმის მისაცემად. მათ შორის ვინც ამბობს, რომ აუცილებლად წავიდოდა ხმის მისაცემად ხვალ რომ საპარლამენტო არჩევნები ტარდებოდეს, 18%-მა თქვა, რომ კოალიცია ქართულ ოცნებას, 12% – ერთიან ნაციონალურ მოძრაობას, 7% კი ირაკლი ალასანია-თავისუფალ დემოკრატებს დაუჭერდა მხარს. მოქალაქეების თქმით, მათ პოლიტიკურ არჩევანზე ყველაზე მეტად შემდეგი ფაქტორები მოქმედებს: პარტიის წარსული საქმიანობა, პარტიის კონკრეტული წევრებისადმი ნდობა და პარტიის საარჩევნო პლატფორმა.
უკან დაბრუნება
217ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი