კვი, 11 დეკემბერი
კვი, 11 დეკემბერი
ახალი ამბები:
ENG
16.12.2015 | 14:13

ნინო ზამბახიძე: იაფ რესურსზე ხელმისაწვდომობაც და ბიზნესის განვითარებაც განათლებით იწყება

კატეგორია: ბიზნესი
"განათლება ერთ-ერთი სერიოზული და მნიშვნელოვანი კომპონენტია და ამით იწყება ყველაფერი, - იაფ რესურსზე ხელმისაწვდომობაც და ბიზნესის განვითარებაც", - აღნიშნულის შესახებ ფერმერთა ასოციაციის პრეზიდენტმა, ნინო ზამბახიძემ გადაცემაში "საქმიანი დილა“ განაცხადა. ზამბახიძე ამბობს, რომ სოფლის მეურნეობის განვითარებისთვის ყველაზე დიდი რესურსი განათლების სისტემაში უნდა იყოს მიმართული.
 
"განათლება ერთ-ერთი სერიოზული და მნიშვნელოვანი კომპონენტია და ამით იწყება ყველაფერი, - იაფ რესურსზე ხელმისაწვდომობაც და ბიზნესის განვითარებაც. პროფესიული გადამზადების ცენტრები უფრო აქტიურად უნდა ჩაერთონ პროცესში. იმისი ილუზია, რომ დღეს და ხვალ ყველაფერი სრულყოფილი იქნება, წარმოუდგენელია. წლებია დარგი მიტოვებულია და ამ კუთხით განათლების სისტემაც მიტოვებული იყო. თანამედროვე ტექნოლოგიებზე ხელმისაწვდომობა თუ არ იქნება, რა თქმა უნდა, ჩვენ ვერც მოსავალს მივიღებთ და ვერც მაღალ პროდუქტიანი ვიქნებით. შესაძლებელია ამ კუთხით ნელ-ნელა უკანაც დავიხიოთ. ამიტომ თუ მთელი რესურსი, ინვესტირება განათლების სექტორში არ მოხდა ძალიან გაუჭირდება სოფლის მეურნეობას.

ხშირად ვამბობ, რომ სანამ ევროპის ბაზარზე ვიზრუნებთ, ჩვენს შიდა ბაზარზე უნდა ვიზრუნოთ. ეს მნიშვნელოვანია. ჩვენც მოსახლეობა ვართ და ჩვენც გვინდა მაღალხარისხიანი პროდუქტით სარგებლობა. როდესაც 80 პროცენტიანი იმპორტი გვაქვს ვფიქრობ, რომ სწორი იქნება, თუ ბალანსი მოხდება, რომ რაღაც ჩვენთვისაც ვაწარმოოთ და ნაწილი გავიტანოთ. იმ კუთხით მეწარმეებსაც ჰქონდათ გარკვეული პრობლემები. ეს არის "ჰასპის" სტანდარტის დანერგვა მაღალრისკიან პროდუქტებზე, როგორიც არის ხორცი და ხორცის პროდუქტები, ასევე რძე და რძის პროდუქტები. გაურკვევლობები იყო მაკონტროლებელ და საკონსულტაციო კომპანიებს შორის, რომელიც დანერგეს და შემდეგ ეს მაკონტროლებელმა არ მიიღო. თუმცა გადაწყდა, რომ ერთობლივ ინსტრუქციას შეიმუშავებენ და ერთობლივად მიუდგებიან ამ საკითხს“, - განაცხადა ზამბახიძემ.
 
უკან დაბრუნება
496ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი