შაბ, 03 დეკემბერი
შაბ, 03 დეკემბერი
ახალი ამბები:
ENG
02.12.2015 | 12:25

ნოემბერში საქართველოში ტურისტების რაოდენობა 3,6 პროცენტით გაიზარდა

კატეგორია: ეკონომიკა
შინაგან საქმეთა სამინისტროს საინფორმაციო-ანალიტიკური დეპარტამენტი საქართველოს სახელმწიფო საზღვარზე გადაადგილებულ ვიზიტორთა სტატისტიკურ მონაცემებს აქვეყნებს.
 
2015 წლის ნოემბრის თვე 436 234 ვიზიტით განისაზღვრა, რაც 2014 წლის იგივე პერიოდის მაჩვენებელზე 8,4 %-ით მეტია.

ამასთან, შემოღებული პირობითი დაყოფის მიხედვით, ხვედრითი წილის ურთიერთმიმართება შემდეგია:

ტურისტი - 144 109 ვიზიტი (საერთო რაოდენობის 33%, მატება წინა წლის ანალოგიურ მაჩვენებელთან 3,6%);

ტრანზიტი - 93 716 ვიზიტი (საერთო რაოდენობის 21,5%, მატება წინა წლის ანალოგიურ მაჩვენებელთან 10,5%);

სხვა - 198 409 ვიზიტი (საერთო რაოდენობის 45,5%, მატება წინა წლის ანალოგიურ მაჩვენებელთან 11,2%).

რაც შეეხება იანვარ-ნოემბრის ინტერვალს, ქვეყანაში 5 431 723 ვიზიტი განხორციელდა, რაც 6,9%-ით მეტია 2014 წლის ანალოგიური საანგარიშო პერიოდის მაჩვენებელზე.
2015 წლის ნოემბერშიც ყველაზე მეტი ვიზიტი კვლავ სომხეთიდან (-1%), თურქეთიდან (+2,2%), აზერბაიჯანიდან (+22%), რუსეთიდან (+7%) და უკრაინიდან (-2%) განხორციელდა. ასევე, პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, იანვარ-ნოემბერშიც გამოირჩნენ ლიტვა, იტალია, გერმანია და ლატვია (შესაბამისად 17%, 14%, 11%, და 11%), შუა აზიის ქვეყნებიდან - ყაზახეთი (30%), აღმოსავლეთ ევროპის ქვეყნებიდან - ბელორუსია (52%), ახლო აღმოსავლეთიდან - ისრაელი (39%), ხოლო აზიის ქვეყნებიდან - არაბათა გაერთიანებული საემიროები 748% და საუდის არაბეთი - 79%-იანი მატებით. აქვე აღსანიშნავია ამერიკის შეერთებული შტატების მოქალაქეების 10%-იანი ზრდა.
უკან დაბრუნება
181ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი