ორშ, 05 დეკემბერი
ორშ, 05 დეკემბერი
ახალი ამბები:
ENG
16.12.2015 | 17:24

OPEC: ნავთობის ფასი 7 წლიან მინიმუმზე არ დარჩება და წელსვე დაიწყებს ზრდას

კატეგორია: მსოფლიო
ნავთობის ფასი 7 წლიან მინიმუმზე არ დარჩება და წელსვე ზრდას დაიწყებს, - განაცხადა OPEC-ის გენერალურმა მდივანმა აბდულა ალ-ბადრიმ. "მთელი სიცოცხლის განმავლობაში ვარ ნავთობის ბიზნესში, ვნახე 6 საფასო ციკლი, ვნახე ძალიან მაღალი და ძალიან დაბალი ფასები, ეს ერთ-ერთი მათგანია და დიდ ხანს არ გაგრძელდება. რამდენიმე თვის, ან 1 წლის შემდეგ ვითარება შეიცვლება", - განაცხადა მან OPEC-ისა და ინდოეთის ენერგეტიკული დიალოგის ფარგლებში გამართულ შეხვედრაზე.

აბდულა ალ-ბადრიმ აღნიშნა, რომ OPEC-ს არ აქვს სამიზნე ფასი, თუმცა კარტელი სამართლიანი ფასის ძიებაშია, რაც იმაში მდგომარეობს, რომ „ექსპორტიორ ქვეყნებმა შეძლონ ღირსეული შემოსავალის მიღება და ინვესტირება მიწოდების გაზრდისთვის“. ბადრი ამბობს, რომ ნავთობის მოპოვება შესაძლოა შემცირდეს 2-3 წლის განმავლობაში, რადგანაც ფასების ვარდნის ფონზე მომპოვებლებმა ინვესტიციები 130 მლრდ აშშ დოლარამდე შეამცირეს. ასევე აღინიშნა, რომ OPEC მოპოვებას, დიდი ალბათობით, დღე/ღამეში 400 000 ბარელით შეამცირებს. ბადრი არც ფასების კიდევ უფრო შემცირებას ელის.

შეგახსენებთ, რომ ორშაბათს, Brent -ის მარკის ნავთობის ფასი 36 აშშ დოლარამდე იყო შემცირებული და 2004 წლის მაჩვენებელს მიუახლოვდა. ანალიტიკოსები ფიქრობენ, რომ 100 აშშ დოლარზე ფასები 2017 წლამდე არ დაბრუნდება. ამ დროისათვის Brent-ი 38,5 აშშდოლარი ღირს.
უკან დაბრუნება
272ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი