ორშ, 05 დეკემბერი
ორშ, 05 დეკემბერი
ახალი ამბები:
ENG
30.11.2015 | 11:35

ოქტომბერში ახლადრეგისტრირებულ საწარმოთა რაოდენობა 12,7 პროცენტით შემცირდა

კატეგორია: ეკონომიკა
ოქტომბერში ახლადრეგისტრირებულ საწარმოთა რაოდენობა 12,7 პროცენტით შემცირდა. საქსტატის წინასწარი ინფორმაციით, ოქტომბერში 3 453 ახალი საწარმო დარეგისტრირდა. ეკონომიკური ზრდის წინასწარი შეფასებებისას გამოყენებული დღგ-ის გადამხდელ საწარმოთა ბრუნვა, კი 5,3 პროცენტით გაიზარდა, რაც ბოლო 5 თვის განმავლობაში, ყველაზე დაბალი მაჩვენებელია. შედარებისთვის, სექტემბერში აღნიშნული ციფრი 14,3 პროცენტს შეადგენდა.
 
წინა წლის შესაბამის პერიოდთან შედარებით 2015 წლის ოქტომბერში რეალური მთლიანი შიდა პროდუქტის ზრდის ტემპმა 3,0 პროცენტი შეადგინა. საქსტატის წინასწარი ინფორმაციით, 2015 წლის პირველი ათი თვის საშუალო რეალურმა ზრდამ 2,8 პროცენტი შეადგინა, შეგახსენებთ რომ გასული წლის 10 თვეში ეკონომიკური ზრდა 5,6 პროცენტი იყო.

რაც შეეხება სახელმწიფო ბიუჯეტის მაჩვენებლებს, ოქტომბერში საბიუჯეტო ხარჯები შემოსავლებს აღემატებოდა, - ხარჯებმა ოქტომბერში 713 მილიონი შეადგინა, ხოლო შემოსავალმა 628 მილიონი.
უკან დაბრუნება
161ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი