ორშ, 05 დეკემბერი
ორშ, 05 დეკემბერი
ახალი ამბები:
ENG
29.12.2015 | 10:08

ოთარ დანელია: კოოპოერატივებისთვის თაფლის ლაბორატორიული გამოკვლევა წლის ბოლომდე უფასოა

კატეგორია: საზოგადოება
"ჩვენი მიზანია შევიმუშაოთ სოფლის მეურნეობის განვითარების გრძელვადიანი სტრატეგია, რომელიც 20-30 წელზე იქნება გაწერილი“, - აღნიშნულის შესახებ სოფლის მეურნეობის მინისტრობის კანდიდატმა, გაერთიანებული კომიტეტების სხდომაზე განაცხადა. ოთარ დანელიას თქმით, ევროკავშირის ქვეყნებში ქართული პროდუქციის ექსპორტს კუთხით, 2012 წელთან შედარებით სხვაობა საკმაოდ დიდია.
 
"ჩვენი მიზანია, ამ ხუთი წლის ვადაში შევასრულოთ ყველა აღებული ვალდებულება და ამასთნ, შევიმუშაოთ სოფლის მეურნეობის განვითარების გრძელვადიანი სტრატეგია, რომელიც 20-30 წელზე იქნება გაწერილი. დღეს ჩვენი სტრატეგიის ძირითად მიმართულებებს წარმოადგენს: 1. აგრარულ სექტორში დასაქმებულთა კონკურენტუნარიანობის ამაღლება; 2. ინსტიტუციური განვითარება; 3. მელიორაცია და ნიადაგის ნაყოფიერება; 4. რეგიონალური და დარგობრივი განვითარება - დამატებული ღირებულების შემქმნელი სრული ციკლის წარმოების განვითარების ხელშეწყობა; 5. სასურსათო უსაფრთხოების უზრუნველყოფა; 6. სურსათის უვნებლობა, ვეტერინარია და მცენარეთა დაცვა და 7. კლიმატის ცვლილებები, გარემო და ბიომრავალფეროვნების შენარჩუნება. უნდა აღინიშნოს, რომ მას შემდეგ, რაც სახელმწიფოსთვის სოფლის მეურნეობის დარგი პრიორიტეტული გახდა 30 მლნ. ლარიდან 300 მლნ. ლარამდე გაიზარდა სოფლის მეურნეობის სამინისტროს ბიუჯეტი, რაც დარგის განვითარებისთვის მნიშვნელოვანი სტიმულია“, - აღნიშნა ოთარ დანელიამ.

როგორც ოთარ დანელიამ აღნიშნა, მნიშვნელოვანი ღონისძიებები განხორციელდა სამელიორაციო სისტემების რეაბილიტაციის კუთხით. უკვე გასარწყავებულია 100 ათას ჰა-ზე მეტი ფართობი, რაც მნიშვნელოვანი წინსვლაა დარგისთვის.

"დღეისათვის, უკვე შესაძლებელია საქართველოში თაფლის ლაბორატორიული კვლევების განხორციელება. სასოფლო-სამეურნეო კოოპოერატივებისთვის წლის ბოლომდე უფასოა თაფლის გამოკვლევა და რეკომენდაციების მიღება. ვფიქრობთ, მომავალი წლის პირველ კვარტალში ლაბორატორია აკრედიტების პროცესს დაასრულებს და ქართული თაფლის ექსპორტი საერთაშორისო ბაზრებზე, მათ შორის ევროკავშირის ქვეყნებში შეუფერხებლად განხორციელდება“, - განაცხადა ოთარ დანელიამ.
უკან დაბრუნება
306ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი