ორშ, 05 დეკემბერი
ორშ, 05 დეკემბერი
ახალი ამბები:
ENG
25.12.2015 | 10:24

პრემიერობის კანდიდატად უმრავლესობაში გიორგი კვირიკაშვილს ასახელებენ

კატეგორია: ეკონომიკა
უმრავლესობის წევრების განცხადებით, ირაკლი ღარიბაშვილი პრემიერმინისტრობის კანდიდატად გიორგი კვირიკაშვილს წარადგენს.
 
“ირაკლი ღარიბაშვილი გიორგი კვირიკაშვილის კანდიდატურას დღეს წარმოადგენს“, - განუცხადა ჟურნალისტებს გიორგი ვოლსკიმ. გიორგი კვირიკაშვილის კანდიდატურა დაადასტურა უმრავლესობის კიდევ ერთმა წევრმა, ნუკრი ქანთარიამ.

"გუშინ დილიდან საკმაოდ ინტენსიური კონსულტაციები მიდიოდა პარლამენტსა და მთავრობის კანცელარიას შორის. პრემიერის მოვალეობის შემსრულებელთან გვქონდა საუბარი. საბოლოოდ ჩვენ ველოდებით, რომ ირაკლი ღარიბაშვილი გიორგი კვირიკაშვილის კანდიდატურას დღეს წარმოადგენს,"- განაცხადა გიორგი ვოლსკიმ.

„იქნება გიორგი კვირიკაშვილი. ჩვენ უკვე შეჯერებულები ვართ. რაც შეეხება ბატონ ირაკლი ღარიბაშვილს, ის ძალიან წარმატებული პრემიერმინისტრი იყო, ძალიან რთულ დროს ჩაიბარა მან ეს თანამდებობა და საკმაოდ კარგი შედეგები დადო,"- განაცხადა ქანტარიამ.
უკან დაბრუნება
178ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი