ორშ, 05 დეკემბერი
ორშ, 05 დეკემბერი
ახალი ამბები:
ENG
11.01.2016 | 19:29

ქედაში და ჩოხატაურში წარმოებული ხილის პროდუქტი ექსპორტზე გასასვლელად ემზადება

კატეგორია: ბიზნესი
კომპანია "ნენა" ექსპორტზე გასასვლელად ემზადება. "ნენა" ამ ეტაპზე 15-მდე სახეობის ხილის მურაბასა და ჯემს, ასევე 4 სახეობის საწებელს და ფელამუშს აწარმოებს. პროდუქციის რეალიზება ადგილობრივ ბაზარზე მსხვილ სუპერმარკეტებში ხდება, თუმცა როგორც კომპანიაში "ბიზნესკონტაქტს" განუცხადეს უახლოეს პერიოდში პროდუქციის ექსპორტზე გატანა იგეგმება. კერძოდ, საუბარია რუსეთის, უკრაინის, ისრაელისა და ყაზახეთის ბაზრებზე.
 
"პროდუქციის ექსპორტზე გასატანად აქტიური მოლაპარაკებები მიმდინარეობს, ვათანხმებთ ეტიკეტირებისა და შეფუთვის დეტალებს. თებერვალში ჩვენს პროდუქციას მოსკოვში გამოფენაზე წარვადგენთ, ვთვლით რომ გამოფენა შედეგიანი იქნება და ჩვენი პროდუქტი ექსპორტზე უახლოეს მომავალში გავა", - განუცხადეს კომპანიაში "ბიზნესკონტაქტს".

კომპანია მიმდინარე წლიდან ხილთან ერთად, ბოსტნეულის წარმოებასაც დაიწყებს. „ნენას“ პროდუქტის სარეალიზაციო ფასი 2 ლარიდან იწყება. ხილის საწარმო ჩოხატაურში შემოდგომაზე გაიხსნა. პროექტი სახელმწიფო თანადაფინანსებით "კახურმა ტრადიციულმა მეღვინეობამ" განახორციელა.
უკან დაბრუნება
2070ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი