კვი, 11 დეკემბერი
კვი, 11 დეკემბერი
ახალი ამბები:
ENG
30.12.2015 | 16:21

"კვირიკაშვილი კი არა უორენ ბაფეტი, რომ გვყავდეს ის ვერ გაართმევს თავს ლარის სტაბილიზაციას"

კატეგორია: ეკონომიკა
"კვირიკაშვილი კი არა უორენ ბაფეტი, რომ გვყავდეს საქართველოში ეროვნული ბანკის პრეზიდენტად ან პრემიერ-მინისტრად, ის ვერ გაართმევს თავს ლარის სტაბილიზაციას, თუ საბაზრო ძალები მოქმედებს ლარის საწინააღმდეგოდ", - აღნიშნულის შესახებ "ICC საქართველოს" ვიცე-პრეზიდენტმა, ნიკოლოზ მჭედლიშვილმა გადაცემაში "ბიზნესკონტაქტი" განაცხადა.
 
"კვირიკაშვილი კი არა უორენ ბაფეტი, რომ გვყავდეს საქართველოში ეროვნული ბანკის პრეზიდენტად ან პრემიერ-მინისტრად, ის ვერ გაართმევს თავს ლარის სტაბილიზაციას, თუ საბაზრო ძალები მოქმედებს ლარის საწინააღმდეგოდ. კვირიკაშვილს ძალიან კარგი კომუნიკაციის უნარი აქვს, ეს ყველამ იცის. რაც შეეხება მენეჯმენტს, - მახსოვს, როდესაც რამდენიმე წლის წინ კვირიკაშვილი ეკონომიკის მინისტრად დანიშნეს, არ ვიცი ვინმემ შეამჩნია თუ არა, რომ მან არცერთი მოადგილე არ გაათავისუფლა. ეს ჩემთვის ძალიან ნიშანდობლივი იყო. მხოლოდ ერთი მოადგილე დაინიშნა ქუმსიშვილი, დანარჩენი ყველა პროფესიონალი დარჩა თავის ადგილზე, მათ შორის მიხეილ ჯანელიძე, რომელიც ახლა საქართველოს საგარეო საქმეთა მინისტრი გახდა. ეს გიორგი კვირიკაშვილის სტილია, როგორც ჩანს ახალ მთავრობაშიც მან არავინ არ გამოცვალა. ეს არის ის, რომ კვირიკაშვილი ბანაკებად არ ყოფს ხალხს, ვისაც ოდნავ მაინც მენეჯმენტი ესმის, ეს ძალიან კარგი თვისებაა. მან პროფესიონალური ნიშნით ყველა ის ადამიანი დატოვა, რომელიც იქ დახვდა. წელიწადზე ნაკლებია არჩევნებამდე დარჩენილი და ჩემთვის გაუგებარი იქნებოდა, რომ კვირიკაშვილს დიდი ცვლილებები განეხორციელებინა, მაგრამ, როდესაც ორკესტრი უკრავს, ძალიან დიდი მნიშვნელობა აქვს დირიჟორს. ჩვენ გვყავს ორკესტრის ახალი დირიჟორი და მე ამ დირიჟორის დიდი მოლოდინები მაქვს", - განაცხადა მჭედლიშვილმა.
უკან დაბრუნება
935ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი