ორშ, 05 დეკემბერი
ორშ, 05 დეკემბერი
ახალი ამბები:
ENG
19.01.2016 | 10:57

"საფრანგეთის ეკონომიკა საგანგებო მდგომარეობაშია, სოციალური მოდელის შეცვლის დრო მოვიდა"

კატეგორია: მსოფლიო
საფრანგეთის პრეზიდენტმა ფრანსუა ოლანდმა განაცხადა, რომ უმუშევრობასთან ბრძოლისთვის 2 მილიარდ ევროს გამოყოფს. ოლანდის შეფასებით, საფრანგეთის ეკონომიკა საგანგებო მდგომარეობაშია. 2-წლიანი გეგმის მიხედვით, კომპანია, სადაც 250 ადამიანზე ნაკლები მუშაობს, სახელმწიფო სუბსიდიას მიიღებს, თუ სამსახურში ნახევარ წელზე მეტი ვადით ახალგაზრდას ან სამუშაოს მაძიებელს აიყვანს. უმუშევრობის დონე საფრანგეთში ახლა 10.6%-ია. შედარებისთვის, გერმანიაში ის 4.2%-ს შეადგენს, ხოლო საშუალოდ ევროკავშირში - 9.8%-ს. საფრანგეთის პრეზიდენტმა განაცხადა, რომ ამ გეგმის დასაფინანსებლად ფულის მოძიება, სხვა საბიუჯეტო ხარჯების შეკვეცის საფუძველზე მოხდება. "ამ 2 მილიარდი ევროს შეგროვება, რაიმე ახალი გადასახადების შემოღების ხარჯზე არ მოხდება“, - ირწმუნება ოლანდი. სოციალისტმა პრეზიდენტმა ასევე განაცხადა, რომ საფრანგეთის ეკონომიკა საგანგებო მდგომარეობაშია და ქვეყნის ეკონომიკური და სოციალური მოდელის შეცვლის დრო მოვიდა.
უკან დაბრუნება
227ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი