შაბ, 10 დეკემბერი
შაბ, 10 დეკემბერი
ახალი ამბები:
ENG
25.12.2015 | 17:44

"საპარტნიორო ფონდმა" KFW–სთან განვითარების კორპორაციის პროექტი უკვე შეათანხმა

კატეგორია: ეკონომიკა
"საპარტნიორო ფონდმა" KFW–სთან განვითარების კორპორაციის პროექტი უკვე შეათანხმა. ქართველი და უცხოელი ექსპერტები კანონპროექტის ძირითად დებულებაზე შეთანხმდნენ, უახლოეს მომავალში კი დოკუმენტი განსახილველად მთავრობასა და საერთაშორისო საფინანსო ორგანიზაციებს წარედგინებათ.
 
"ჩვენ გვქონდა საშუალება, 4 დღის განავლობაში ფრანკფურტში ვყოფილიყავით KFW–სთან სტუმრად და მათთან ერთად აქტიურად გაგველო ის კონცეფცია, რომელიც ემყარება საპარტნიორო ფონდის ბაზაზე საქართველოში ძლიერი საფინანსო ინსტიტუტის – საქართველოს განვითრების კორპორაციის შექმნას და ჩამოყალიბებას. KFW არის ის ორგანიზაცია, რომელმაც თავიდანვე მხარი დაუჭირა ამ იდეას, გამოყო საკმაოდ მნიშვნელოვანი თანხა, რომლითაც ფრანკუფრტის ბიზნეს სკოლას დაევალა საკითხის შესწავლა, კვლევის წარმოება საქართველოში. ისინი აწარმოებდნენ კვლევას და დადეს საკმაოდ სერიოზული დასკვნა.

ჩვენ მივედით იმ ვარიანტზე, რომელიც ყველა მხარისთვის მისაღებია. დაახლოებით 11 იანვრისთვის KFW-ი აქედან გაგზავნილი შენიშვნების მიხედვით, საბოლოო დასკვნის ვარიანტს მოგვაწვდის. შემდეგ უკვე მთავრობას გადაეგზავნება დასამუშავებლად, ხოლო შემდგომ პარლამენტს, რათა დაამტკიცოს. ეს ცალკე კანონი იქნება, რომელიც ამ სტრუქტურის ორგანიზებას დაარეგულირებს. KFW-ს მადლობას გადავუხდი, იმიტომ, რომ გარდა იმ 350 000 ევროსი, უკვე 6 მილიონი გამოყო ორ ტრანშად. 1 მილიონი იქნება ტექნიკური დახმარება, - ანუ იმ შემთხვევაში, თუ მთავრობა მოიწონებს და პარლამენტი ამ კანონპროექტს დაამტკიცებს, სანამ ორგანიზაცია მუშაობას დაიწყებს, 1 მილიონი იქნება ტექნიკური დახმარება, რათა სპეციალისტების გადამზადება მოხდეს. ანუ ეს გერმანიის მთავრობის მიერ იქნება სუბსიდირებული.

სავარაუდოდ მარტის თვე უნდა იყოს ის პერიოდი, როდესაც კანონი ძალაში შესული იქნება. ჩვენ კანონის მიღების შემდეგ 1- 1,5 თვე დაგვჭირდება იმისთვის, რომ სტრუქტურამ მუშაობა დაიწყოს. მოხდება კადრების შერჩევა და ძირითადად საპარტნიორო ფონდის ბაზაზე იქნება ეს ყველაფერი, რადგან საპარტნიორო ფონდში საკმაოდ კარგი, პროფესიონალი კადრებია. ჩვენ ალბათ დამატებით სპეციალისტებსაც მოვიწვევთ. იმიტომ, რომ განვითარების კორპორაციას კიდევ რამდენიმე ძალიან მნიშვნელოვანი ფუნქცია დაემატება. ვიტყვი, რომ ერთ-ერთი იქნება ზოგადად მაკროეკონომიკის შესწავლის კვლევების ანალიზის და რეკომენდაციის ფუნქცია“, - განაცხადა საგანელიძემ გადაცემაში „ბიზნესკონტაქტი“.
უკან დაბრუნება
327ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი