ორშ, 05 დეკემბერი
ორშ, 05 დეკემბერი
ახალი ამბები:
ENG
26.01.2016 | 23:46

"შეუძლებელია, ადამიანს ესაუბრო ეკონომიკურ რეფორმებზე, როდესაც პირად შეურაცხყოფაზე გადადიან"

კატეგორია: ეკონომიკა
ჩვენ, სულ მცირე, პარტნიორები უნდა გავხდეთ, - ასე უპასუხა საქართველოს პრემიერ-მინისტრმა გიორგი კვირიკაშვილმა არასამთავრობო ორგანიზაციების მიერ დასმულ კითხვას, როგორ წარმოუდგენია სამოქალაქო სექტორთან ურთიერთობა.
 
რაც შეეხება ოპონენტებთან დიალოგის შესაძლებლობასთან დაკავშირებით დასმულ კითხვას, პრემიერმა აღნიშნა, რომ ამ მიმართულებით დამკვიდრებულ პოლიტიკურ კულტურაში ბევრი რამ შესაცვლელია.

"შეუძლებელია, ადამიანს ესაუბრო ეკონომიკურ რეფორმებზე, როდესაც პირად შეურაცხყოფაზე გადადიან. მქონდა სურვილი, კონსტრუქციულ ჩარჩოებში შევხვედროდი მათ, მაგრამ ამ ყველაფრის შემდეგ გამოდის, რომ თავმოყვარეობა უნდა დავკარგო, დავუჯდე და ეკონომიკური დანაშაულის დეკრიმინალიზაციაზე ვესაუბრო. მეორეს მხრივ, ეს საერთოდ კომიკურიცაა, იმიტომ, რომ წინა წლებში დაახლოებით 300 ათასი კაცი გასამართლდა, აქედან 80% - ეკონომიკური დანაშაულისთვის და ახლა მოგვიწოდებენ, სასწრაფოდ გავაკეთოთ ეკონომიკური დანაშაულის დეკრიმინალიზაცია, მით უმეტეს მაშინ, როდესაც დაანონსებული მაქვს, რომ ვაკეთებ. ძალიან სასაცილოა და სატირალიც ამავდროულად", - განაცხადა პრემიერ-მინისტრმა.

პრემიერის პრესსამსახურის ცნობით, გიორგი კვირიკაშვილმა ასევე აღნიშნა, რომ დიალოგის დიდი სურვილი აქვს და ეკონომიკის მინისტრის რანგში არაერთხელ შეხვედრია და გაუზიარებია კიდეც ოპონენტების მოსაზრებები.
უკან დაბრუნება
872ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი