შაბ, 10 დეკემბერი
შაბ, 10 დეკემბერი
ახალი ამბები:
ENG
16.01.2016 | 14:14

"თუ პირს რეესტრში დოკუმენტი არ აქვს, ეს არ ნიშნავს, რომ მას მიწაზე საკუთრების უფლება არ აქვს"

კატეგორია: ეკონომიკა
"თუ პირს რეესტრში დოკუმენტი არ აქვს, არ ნიშნავს იმას, რომ მას მიწაზე საკუთრების უფლება არ აქვს", - აღნიშნულის შესახებ, ახალი პოლიტიკური ცენტრის "გირჩის" წევრმა,  ზურაბ ჯაფარიძემ "ბიზნესკონტაქტს" განუცხადა. მისი თქმით, დღეს კერძო საკუთრებაში ბევრი დაურეგისტრირებული მიწაა, რომელსაც სახელმწიფო საკუთრებაში იფორმეს, რაც მისი თქმით არასწორია.
 
"სახელმწიფო საკუთრებაში ძალიან დიდი რაოდენობის მიწაა. ასევე კერძო საკუთრებაში დიდი რაოდენობის მიწაა, რომელიც დარეგისტრირებული არ არის. არის 2012 წელს დაჩქარებული წესით დარეგისტრირებული მიწაც, რომლის დოკუმენტსაც რეესტრი არ აღიარებს.

ახლა დამატებით ახალი რაღაც მოიგონეს, თუ რეგისტრაციის საბუთი არ არსებობს რეესტრში, სახელმწიფო ამ მიწებს თავის თავზე იფორმებს. ეს პირველ რიგში, კონსტიტუციას ეწინააღმდეგება, იმიტომ რომ ამის უფლება არ აქვთ, რადგან რეესტრში დოკუმენტი არ აქვთ, ეს სულაც არ ნიშნავს იმას, რომ ვიღაცას არ აქვს მიწაზე საკუთრების უფლება. ასეთი რაოდენობის მიწა საკმაოდ ბევრია. მიწები, რომლებსაც ტრადიციულად ჰყავს მფლობელი, ანუ პაპის პაპიდან მოყოლებული დღევანდლემდე ყველამ იცის, რომ ეს ამ ოჯახის მიწაა, თუმცა შეიძლება საბუთი არ არსებობდეს. მათ შორის იყო შემთხვევები, როდესაც სხვადასხვა რაიონებში არქივებია დამწვარი და ამის გამო, შეიძლება ყველა ასეთი მიწა სახელმწიფომ გადაიფორმოს. ეს მარტივად, რომ ვთქვათ ძალიან დიდი მავნებლობაა. ზოგადად, რომ პრობლემა არსებობს გასაგებია, ცხადია, რომ ეკონომიკისთვის ძალიან მნიშვნელოვანია, რომ ეს მიწები იყოს კერძო და არა სახელმწიფო საკუთრებაში", - აცხადებს ზურაბ ჯაფარიძე.
უკან დაბრუნება
715ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი