შაბ, 10 დეკემბერი
შაბ, 10 დეკემბერი
ახალი ამბები:
ENG
04.12.2015 | 14:27

"თუ 2018 წელს დამატებით ბუნებრივ აირს მივიღებთ, ჩვენ არ დაგვჭირდება დამატებითი შესყიდვა "გაზპრომისგან""

კატეგორია: ბიზნესი
ვიცე-პრემიერის, ენერგეტიკის მინისტრის, კახი კალაძის განცხადებით, თუ შაჰდენიზის პროექტი 2018 წლამდე დასრულდება საქართველოს გაზპრომისგან დამატებითი ბუნებრივი აირის შესყიდვა აღარ დასჭირდება.
 
"მე არ ვიცი რამდენად შესაძლებელია შაჰდენიზის პროექტის მოსწრება და დასრულება 2018 წლამდე, რადგან საკმაოდ მასშტაბური სამუშაოები არის ჩასატარებელი. თავდაპირველ ეტაპზე საუბარი იყო, რომ 2019-2020 წლებში უნდა დასრულებულიყო პროექტი. მე გამიჭრდება საუბარი რამდენად შესაძლებელი იქნება პროექტის დასრულება 2018 წლამდე, იქიდან გამომდინარე, რომ ძალიან დიდი მოცულობის სამუშაოებია ჩასატარებელი. საქართველოში მიმდინარე სამუშაოებს არანაირი შეფერხება არ აქვს. ჩვენ გვექნება შესაძლებლობა იაფად ვიყიდოთ დამატებითი მოცულობები.

იმ შემთხვევაში თუ ეს მოხდება, 2019 წლამდე, ანუ 2018 წელს ჩვენ გვექნება დამატებით ბუნებრივი აირი, - 2018 წელს ჩვენ არ დაგვჭირდება დამატებითი ბუნებრივი აირის შესყიდვა "გაზპრომისგან". თუმცა 10 პროცენტი, რომელსაც ჩვენ ვიღებთ იმას აუცილებლად მივიღებთ. თუ 2018 წლამდე ჩვენ გვექნება აუცილებლობა, რომ შემოვიტანოთ ბუნებრივი აირი, ჩვენ ამას აუცილებლად გავაკეთებთ", - განაცხადა მინისტრმა.
უკან დაბრუნება
205ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი