ხუთ, 08 დეკემბერი
ხუთ, 08 დეკემბერი
ახალი ამბები:
ENG
24.12.2015 | 21:51

რუსეთში ვალუტის გადაცვლისთვის პირადი დოკუმენტები და ანკეტის შევსება გახდა აუცილებელი

კატეგორია: მსოფლიო
რუსეთის ცენტრალურმა ბანკმა ვალუტის გაცვლის წესები გაამკაცრა. ბანკის მიერ გამოცემული განკარგულების მიხედვით, 15 000 რუბლზე მეტი მოცულობის თანხის კონვერტაციის შემთხვევაში, პირის სრული იდენტიფიკაცია ხდება აუცილებელი.
 
ახალი წესები 28 დეკემბრიდან ამოქმედდება და მისი მიხედვით, კლიენტმა ვალუტის გადამცვლელ პუნქტში პასპორტიც უნდა წარადგინოს და ასევე ანკეტა შეავსოს.

ანკეტაში კი უნდა მიუთითოს გვარი, სახელი, მამის სახელი, პირადობის დამადასტურებელი დოკუმენტის რეკვიზიტები და ასევე სხვა ცნობები, საკრედიტო დაწესებულების შეხედულებისამებრ.

ბაზრის მონაწილეებმა სააგენტო Bankir.Ru-ს განუცხადეს, რომ ახალი ნორმები გაზრდის საოპერაციო დატვირთვას ბანკებზე. საკრედიტო დაწესებულებები შეეცდებიან ასეთი ოპერაციები უნაღდო ანგარიშსწორებაზე გადაიტანონ, რასაც შესაძლოა გადამცვლელი პუნქტების მკვეთრად შემცირება მოჰყვეს.
უკან დაბრუნება
233ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი