შაბ, 10 დეკემბერი
შაბ, 10 დეკემბერი
ახალი ამბები:
ENG
18.01.2016 | 22:07

საქართველო FoxNews-ის 2016 წლის 10 საუკეთესო მიმართულებას შორის მოხვდა

კატეგორია: საზოგადოება
საქართველო FoxNews-ის 2016 წლის 10 საუკეთესო მიმართულებას შორის მოხვდა. "10 საუკეთესო და გამორჩეული მიმართულება 2016 წლისთვის", -ასე ეწოდება რეიტინგს, რომელშიც საქართველოსთან ერთად მოხვდა იაპონია, ჩინეთი, მონტენეგრო, ნიკარაგუა, შვეიცარია. რეიტინგი იმ 10 ტურისტულ მიმართულებას აერთიანებს, რომელიც ფართო მასებისთვის ცნობილი არ არის.

"საქართველოში იუნესკოს მსოფლიო მემკვიდრეობის ოთხი ძეგლი მდებარეობს. ქვეყანა მნახველებს გეოგრაფიულ მრავალფეროვნებას სთავაზობს, - დაწყებული პოპულარული საზღვაო კურორტ ბათუმიდან, დამთავრებული სვანეთის მთებით“, - წერს გამოცემა.

"საქართველოს ყველაფერი აქვს, რასაც მოგზაური ეძებს უნიკალური გამოცდილებისთვის. არაჩვეულებრივი საკვები, ღვინის დიდი ისტორია, ლამაზი მთები და მსოფლიოში ერთ-ერთი ყველაზე მეგობრლი მოსახლეობა", - ამბობს ირინა ვიშნევსკაია სტატიაში.

როგორც სტატიაშია აღნიშნული, საქართველოში 2018 წელს მაღალი კლასის სასტუმრო Le Meridien-იც გაიხსნება, მასთან ერთად კი ქვეყანაში ისეთი ბრენდები ოპერირებენ, როგორებიცაა "რადისონი“, "შერატონი“ და "მერიოტი“.
უკან დაბრუნება
535ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი