შაბ, 03 დეკემბერი
შაბ, 03 დეკემბერი
ახალი ამბები:
ENG
20.01.2016 | 15:00

საქართველოს სავაჭრო პარტნიორ ქვეყნებში რუსეთი ერთი პოზიციით დაწინაურდა

კატეგორია: ეკონომიკა
საქსტატის წინასწარი მონაცემებით, 2015 წელს ათი უმსხვილესი სავაჭრო პარტნიორის წილმა საქართველოს მთლიან საგარეო სავაჭრო ბრუნვაში 64 პროცენტი შეადგინა. უმსხვილესი სავაჭრო პარტნიორებია თურქეთი (1517 მლნ. აშშ დოლარი), რუსეთი (789 მლნ. აშშ დოლარი) და აზერბაიჯანი (783 მლნ. აშშ დოლარი). საქართველოს უმსხვილეს სავაჭრო პარტნიორებში რუსეთი ერთი პოზიციით დაწინაურდა და მეორე ადგილზე აზერბაიჯანი ჩაანაცვლა.
 
საქართველოს სავაჭრო პარტნიორების ხუთეულში შედიან ჩინეთი და უკრაინაც. მეექვსე პოზიციაზე გერმანიაა, მეშვიდეზე კი ბულგარეთი. ათეულში მოხვდნენ ამერიკა, სომხეთი და ბულგარეთიც.

2015 წელს საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 9928 მლნ. აშშ დოლარი შეადგინა, რაც წინა წლის შესაბამის მაჩვენებელზე 13 პროცენტით ნაკლებია; აქედან ექსპორტი 2204 მლნ. აშშ დოლარს შეადგენს (23 პროცენტით ნაკლები), ხოლო იმპორტი 7724 მლნ. აშშ დოლარს (10 პროცენტით ნაკლები). საქართველოს უარყოფითმა სავაჭრო ბალანსმა 2015 წელს 5521 მლნ. აშშ დოლარი და საგარეო სავაჭრო ბრუნვის 56 პროცენტი შეადგინა
უკან დაბრუნება
245ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი