ორშ, 05 დეკემბერი
ორშ, 05 დეკემბერი
ახალი ამბები:
ENG
24.12.2015 | 14:38

საქართველოში ცხოველების სასწრაფო დახმარების სერვისი ამოქმედდა

კატეგორია: ბიზნესი
თბილისში ახალი, თანამედროვე ვეტერინალური დიაგნოსტიკური ჰოსპიტალი გაიხსნა. "ვეტ ჰაუსმა" ფუნქციონირება 7 დეკემბერს დაიწყო. როგორც კომპანიაში "ბიზნესკონტაქტს" განუცხადეს, "ვეტ ჰაუსში" წარმოდგენილია ყველა ის მომსახურება, რომელიც საჭიროა ცხოველის მოვლისა და ჯანმრთელობისათვის. სერვისები გათვლილია ძაღლების, კატების, მღრღნელებისა, ფრინველებისთვის.
 
სამედიცინო სერვისები მოიცავს: თერაპიას, ქირურგიას, ლაბორატორიულ კვლევებს, სტომატოლოგიას, დერმატოლოგიას, რენტგენსა და ექოსკოპიას, სტაციონარულ მომსახურებას.

კლინიკაში, საქართველოში პირველად ცხოველების სასწრაფო დახმარების სერვისიც მოქმედებს. როგორც კომპანიაში განმარტავენ, საჭიროების შემთხვევაში, ვეტერინარი ადგილზე მივა ცხოველთან და მის კლინიკაში გადაყვანას მანქანით უზრუნველყოფს. სერვისი 24 საათის განმავლობაში იფუნქციონირებს.

"ვეტ ჰაუსში" ცხოველების სალონიც მოქმედებს, - სალონში მომსახურების ფასები ცხოველის ჯიშზე, წონასა და თმის სიგრძეზეა დამოკიდებული.
უკან დაბრუნება
3056ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი