შაბ, 10 დეკემბერი
შაბ, 10 დეკემბერი
ახალი ამბები:
ENG
14.12.2015 | 14:22

საქპატენტის დაფუძნებული "Origin - Georgia" ახალ გეოგრაფიულ აღნიშვნებს გამოავლენს

კატეგორია: ეკონომიკა
საქპატენტმა და ღვინის ეროვნულმა სააგენტომ ა(ა)იპ „ორიჯინ-ჯორჯია“ დააფუძნეს, რომლის მიზანია საქართველოში გეოგრაფიული აღნიშვნების დაცვის სისტემის განვითარებისთვის ხელსაყრელი გარემოს შექმნა და ქვეყანაში კონკურენტუნარიანი მაღალხარისხიანი პროდუქციის წარმოების ხელშეწყობა.
 
საქპატენტის თავმჯდომარე, ნიკოლოზ გოგილიძე გადაცემაში "საქმიანი დილა" აღნიშნავს, რომ საქართველოში დაფუძნებული ორგანიზაცია საერთაშორისო ორგანიზაციებთან მჭიდრო კავშირში იქნება. ორგანიზაცია საქმიანობას ოფიციალურად 1 იანვრიდან შეუდგება.

“ორიჯინი არის არაკომერციული იურიდიული პირი ორგანიზაცია, რომლის სათაო ოფისი ჟენევაში მდებარეობს და რომელიც აერთიანებს მსოფილოს მასშტაბით გეოგრაფიული აღნიშვნის და ადგილწარმოშობის დასახელებით დაცული პროდუქტების წარმოებებს. საქართველოში ამ ორგანიზაციის შექმნის მიზანი არის ის, რომ იყოს ანალოგიური, ადგილობრივი სახის ორგანიზაცია, რომელიც ამ საერთაშორისო ორგანიზაციებთან მჭიდროდ ითანამშრომლებს. ორგანიზაციას შემდეგი წლისთვის რამდენიმე მიზანი აქვს დასახული. ერთი ეს არის ახალი ადგილწარმოშობის დასახელებების მოძიება და რეგისტრაცია. აღნიშნული კუთხით ძალიან დიდი გამოცდილება აქვს იმ საერთაშორისო ორგანიზაციას ჟენევაში და მათთან თანამშრომლობით, ეს იქნება ერთობლივი პროექტი. მეორე კი არის უკვე არსებული გეოგრაფიული აღნიშვნების პრომოუშენი და როგორც საექსპორტო პოტენციალის გაზრდა და ძიება ბაზრების, ასევე ადგილზე ამ ყველაფრის წახალისება და ხელშეწყობა. ორ წელიწადში ერთხელ სხვადსხვა ქვეყნებში საერთაშორისო ორიჯინის გენერალური ანსამბლეა იმართება, სადაც მისი წევრები ჩადიან და კონფერენციაში მონაწილეობაენ და ჩვენი სურვილია და ვგეგმავთ, რომ 2017 წელს აღნიშნულ ღონისძიებას საქართველომ უმასპინძლოს. ამისი რესურსი გვაქვს. მთავარია, რომ ყველაფერი ჩვენს სასარგებლოდ გადაწყდეს. ეს იქნება ძალიან კარგი შანსი ჩვენი გეოგრაფიული აღნიშვნის პროდუქტის წარმოებებისთვის, რომ მათ მსოფლიოს და პოტენციურ პარტნიორებს გააცნონ საქართველო. ორგანიზაცია კონკრეტულ პროექტებს განახორციელებს, მაგალითად, როგორიცაა კვლევა, - მის განსახორციელებლად ორგანიზაცია მოიძიებს ფინანსებს ისეთი ორგანიზაციებიდან, როგორიცაა ვთქვათ ევროკავშირი“, - განაცხადა ნიკოლოზ გოგილაძემ.

ამჟამად, საქპატენტის მიერ რეგისტრირებულია ადგილწარმოშობის დასახელების 18 ქართული ღვინო, (ხვანჭკარა, მუკუზანი, ტვიში და ა.შ.), 8 მინერალური წყალი (ბორჯომი, მიტარბი, საირმე და ა.შ.), 16 გეოგრაფიული აღნიშვნა (სულგუნი, ჩურჩხელა, ჭაჭა, დამბალხაჭო და ა.შ.), რეგისტრაციის ბოლო ეტაპზეა „ქუთაისის მწვანილი“, „ტყიბულის ჩაი“, მაჭახელას თაფლი“ და „ახალქალაქის კარტოფილი“. 

ასოციაციის საქმიანობა ითვალისწინებს საქართველოში გეოგრაფიული აღნიშვნით დაცვადი პროდუქტების გამოვლენას, მათ ინვენტარიზაციას, სპეციფიკაციების დადგენას და სამართლებრივი დაცვის უზრუნველყოფას. ასოციაცია დაეხმარება ფერმერმერებსა და მეწარმეებს გაერთიანების შექმნაში, გაუწევს მათ კონსულტაციებს ბრენდინგის, მარკეტინგის, მენეჯმენტის საკითხებში და ასევე, დაეხმარება საერთაშორისო კონტაქტების მოძიებაში.
უკან დაბრუნება
308ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი