კვი, 11 დეკემბერი
კვი, 11 დეკემბერი
ახალი ამბები:
ENG
18.01.2016 | 19:13

საშა ტერნესი: ლარის კურსი შეიძლება უფრო დაბალიც იყოს

კატეგორია: საფინანსო სექტორი
"ასეთ პირობებში ჩვენ არაფრის გაკეთება არ შეგვიძლია ლარის კურსთან მიმართებაში", - აღნიშნულის შესახებ საფინანსო ზედამხედველობის სააგენტოს საბჭოს წევრმა, საშა ტერნესმა ჟურნალისტებს განუცხადა. მისი თქმით, ლარის კურსი შეიძლება უფრო დაბალიც იყოს, თუმცა დღეს საბჭოს წევრებს სასამართლოს გადაწყვეტილებამდე მექანიზმების გამოყენების უფლება არ აქვთ.

"ასეთ პირობებში ჩვენ არაფრის გაკეთება არ შეგვიძლია ლარის კურსთან მიმართებაში, თუმცა საფინანსო ზედამხედველობას ბევრი მექანიზმი გააჩნია ამისთვის. ამ მექანიზმებს შორის არის დედოლარიზაცია, რაც გეთანხმებით, გრძელვადიანი პერსპექტივაა, თუმცა ასევე შეგვიძლია წამახალისებელი ღონისძიებები გავატაროთ საბანკო სექტორთან მიმართებაში. ამჟამად ლარი მეტნაკლებად სტაბილურია და 2.39 – 2.40 ნიშნულზეა დოლართან, თუმცა კითხვა მდგომარეობს იმაში, თუ რატომ არის ეს მაჩვენებელი ასეთი მაღალი. ის შეიძლება უფრო დაბალიც იყოს. ამის შესაძლებლობა არსებობს და მისი გამოყენება დამოკიდებული იქნება ჩვენს ჩართულობაზე. ამ ეტაპზე ჩვენ სტრატეგიის განსაზღვრის საშუალება სამწუხაროდ არ მოგვეცა", - განაცხადა საშა ტერნესმა.

შეგახსენებთ, რომ საკონსტიტუციო სასამართლომ შესაბამისი გადაწყვეტილების მიღებამდე, საფინანსო ზედამხედველობის სააგენტოს მუშაობა შეაჩერა. ზედამხედველობას ამ ეტაპზე კვლავ ეროვნული ბანკი ახორციელებს.
უკან დაბრუნება
592ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი