შაბ, 03 დეკემბერი
შაბ, 03 დეკემბერი
ახალი ამბები:
ENG
11.01.2016 | 11:33

სათხილამურო ტრასებზე თოვლმავლების მოძრაობა და ალკოჰოლის მოხმარება კანონით დარეგულირდება

კატეგორია: საზოგადოება
სამთო კურორტებზე, სასრიალო ტრასებზე უსაფრთხოების ნორმებს კანონმდებლობა დაარეგულირებს. შესაბამისი კანონპროექტის ინიციატორი ეკონომიკის სამინისტროა და მას მთავრობა სავარაუდოდ მომავალ სხდმაზე განიხილავს. მთის კურორტების განვითარების კომპანიის ხელმძღვანელი, სანდრო ონოფრიშვილი "ბიზნესკონტაქტთან" საუბრისას აცხადებს, რომ ახალი კანონის მიხედვით, ტრასებზე თოვლმავლები აიკრძალება, ალკოჰოლის მოხმარებაზე კი ლიმიტი იქნება დაწესებული. მისი თქმით სასრიალო ტრასებზე კონტროლს საპატრულო პოლიცია განახორციელებს.
 
"ჩვენი აზრით, თოვლმავლები სათხილამურო ტრასებზე სრულად უნდა აიკრძალოს. ტრასებზე მხოლოდ სამაშველო, საპატრულო და საბაგიროს თანამშრომლების თოვლმავლები უნდა დარჩეს. ბორნებისთვის შარშან სპეციალური ადგილი გვქონდა გამოყოფილი, თუმცა რადგან ეს კანონით არ რეგულირდებოდა, ისინი მაინც სათხილამურო ტრასებზე მოძრაობდნენ. კანონმდებლობის შეცვლის შემდეგ აუცილებლად დაწესდება ჯარიმები“, - განმარტავს ონოფრიშვილი.

მთის კურორტების განვითარების კომპანიაში განმარტავენ, რომ ე.წ. „სკი პატრულის“ ამოქმედება უახლოეს დღეებში ვერ მოხერხდება, თუმცა გუდაურშიც და ბაკურიანშიც პრემიერ-მინისტრის ბრძანებით შინაგან საქმეთა სამინისტროს საპატრულო პოლიციის თანამშრომლები მუშაობას მიმდინარე კვირიდან დაიწყებენ.
უკან დაბრუნება
563ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი