ხუთ, 08 დეკემბერი
ხუთ, 08 დეკემბერი
ახალი ამბები:
ENG
26.01.2016 | 10:53

სახელმწიფო ქართული სამეცნიერო-ტექნოლოგიური ინოვაციების კომერციალიზაციას გეგმავს

კატეგორია: ბიზნესი
სახელმწიფო ქართული სამეცნიერო-ტექნოლოგიური ინოვაციების კომერციალიზაციას გეგმავს. ქართული პროექტების კომერციალიზაციის გეგმას ქართულ მხარესთან ერთად, ამერიკელი ექსპერტებიც ახორციელებენ. როგორც ტექნოლოგიებისა და ინოვაციების სააგენტოს ხელძღვანელმა, ირაკლი ქაშიბაძემ "ბიზნესკონტაქტთან" საუბრისას განაცხადა, საუბარია 12-მდე პროექტზე, - მათ შორის არის კიბოს ადრეული დადგენა, განახლებადი ენერგია, მყარი ნარჩენების გადამუშავება, კიბერნეტიკის სფერო და სხვა.
 
"აღმოჩნდა, რომ ელიავას სახელობის ინსტიტუტი, რომელიც ბაქტერიოფაგების მიმართულებით მუშაობს, მსოფლიოში წამყვანია. ამ პროექტებმა ქვეყანას, შესაძლოა მოუტანოს ძალიან დიდი ფინანსური რესურსი. პროექტები უმეტესად მაღალი ექნოლოგიების ბიოტექნოლოგიების განახლებადი ენერგეტიკის, ასევე ეკოლოგიური მიმართულებისაა.

პროექტების დაფინანსება სხვადასხვა რესურსით მოხდება, მათ შორის უკვე ვხედავთ დაინტერესებას უცხოელი ინვესტრების მხრიდან. შეიძლება მოხდეს ერთობლივი საწარმოების შექმნა, ან ამ პროექტების ლიცენზირება", - აცხადებს ქაშიბაძე.

საქართველოში ინოვაციების მხარდაჭერისთვის სპეციალური კანონპროექტიც მუშავდება, რომელიც ითვალისწინებს ფინანსური დახმარების შესაძლებლობებს ინოვაციური ბიზნესის განსავითარებლად, რაც საქართველოში ახალი ინოვაციური საწარმოების შექმნას, ექსპორტზე ორიენტირებული პროდუქტების გამოშვებას, დამატებითი სამუშაო ადგილების შექმნას და კონკურენტუნარიანი ბიზნესის ჩამოყალიბებას შეუწყობს ხელს. ირაკლი ქაშიბაძე აღნიშნავს, რომ კანონპროექტი უახლოეს მომავალში მთავრობის სხდომაზე გავა, რის შემდეგაც პარლამენტს გადაეგზავნება.

"კანონპროექტში საუბარია რომ მეტად იყოს დარეგულირებული ურთიერთობა სამეცნიერო-კვლევით ინსტიტუტს, მეცნიერსა და კომპანიას შორის, როდესაც კომერციალიზაციის პროცესზე მიდის მუშაობა. მათ შორის განსაზღვრება რა არის ინოვაცია". კანონპროექტის ამოქმედება მიმდინარე წელს იგეგმება.
უკან დაბრუნება
236ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი