ოთხ, 07 დეკემბერი
ოთხ, 07 დეკემბერი
ახალი ამბები:
ENG
18.01.2016 | 14:18

თემურ მაისურაძე: აღმასრულებელ ხელისუფლებას ვთხოვ თავის კადრებს აუცილებლად გადახედონ

კატეგორია: ეკონომიკა
"სისტემის გენერალური გეზი სწორია, მაგრამ ყველა აღმასრულებელი ხელისუფლების წარმომადგენელს ვთხოვ, რომ თავიანთ კადრებს აუცილებლად გადახედონ“, - აღნიშნულის შესახებ "ბიზნესკონტაქტს" თემურ მაისურაძემ განუცხადა. დარგობრივი ეკონომიკის და ეკონომიკური პოლიტიკის კომიტეტის წევრი ამბობს, რომ საქართველოში ბიუროკრატია ვერ მუშაობს, საკადრო სივრცეში კი სერიოზული პრობლემებია.
 
"ბიზნესში მუხლებზე დგომა სწორი საქმიანობა არ არის. მუხლებზე დგომით ქვეყანა ეკონომიკას ხელს შეუწყობს, თუ პირიქით, - არასწორად მიმაჩნია. რაც შეხება "გაზპრომის" საკითხს, ჯერ საერთოდ არ შევეხები. იმიტომ, რომ ყველა ნორმალურ ადამიანს ესმის თუ დივერსიფიცირებული ენერგოსისტემა რამდენად მნიშვნელოვანია, არ ვსაუბრობ კონკრეტულად რუსეთზე.

ტემპები, რომელიც არის, მე არ მომწონს. პირველი - არ მომწონს ის, რომ საკადრო სივრცეში სერიოზული პრობლემები გვაქვს და ბიუროკრატია ჩვენთან სწრაფად ვერ მუშაობს. საკითხები, რომლებიც უნდა განიხილებოდეს ერთ თვეში 6 თვეში და ზოგიერთ შემთხვევაში ერთი წელიწადიც განიხილება. კომპეტენციის საკითხებზე გვქონდა შენიშვნა და მაქვს. სისტემის გენერალური გეზი სწორია, მაგრამ ყველა აღმასრულებელი ხელისუფლების წარმომადგენელს ვთხოვ, რომ თავიანთ კადრებს აუცილებლად გადახედონ. ერთს ვიტყვი - როდესაც მგზავრი უკანა სავარძელზე ზის, ვერასოდეს გაიგებ ის როგორ მართავს მანქანას. ეს რომ იცოდეს ადამიანი საჭესთან უნდა დასვა, ანუ ახლა პრემიერმინისტრს შესაძლებლობა აქვს გვაჩვენოს, როგორი მმართველია", - განაცხადა მაისურაძემ.
უკან დაბრუნება
269ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი