ორშ, 05 დეკემბერი
ორშ, 05 დეკემბერი
ახალი ამბები:
ENG
14.12.2015 | 10:00

თემურ მაისურაძე: "მოსახლეობისგან დაცლილ რეგიონებში ნულოვანი საგადასახადო სისტემა უნდა ამოქმედდეს"

კატეგორია: ეკონომიკა
"საქართველოში უნდა შემუშავდეს დიფერენცირებული საგადასახადო სისტემა" - ამ განცხადებას "ბიზნესკონტაქტთან" პარლამენტარი თემურ მაისურაძე აკეთებს. დარგობრივი ეკონომიკის და ეკონომიკური პოლიტიკის კომიტეტის წევრის განცხადებით, აუცილებელია მოსახლეობისგან დაცლილ რეგიონებში დღგ-ს ნულოვანი სისტემა შემუშავდეს.
 
"ნულოვანი საგადასახადო სისტემა უნდა ამოქმედდეს იმ რეგიონში, რომელიც სრულად დაცლილია, 2%-იანი, რომელიც შედარებით დაცლილია, ხოლო 4-6%-იანი ნაწილობრივად დაცლილ რეგიონებში, თბილისი კი 18%-იან საგადასახადო ზონად დარჩება", - აცხადებს მაისურაძე.

მისივე განცხადებით, ამ პრინციპით ნულოვან საგადასახოდო ზონაში ხვდება, ასპინძის რეგიონი, რაჭა და ყაზბეგი .

"რაც შეეხება თბილისს ის ბიზნესის ქალაქი არაა, ამიტომ ადმინისტრაციულ ქალაქად უნდა იქცეს და პატარა ბაზრობებისა და საწარმოებისგან გათავისუფლდეს", - განმარტავს დეპუტატი.

მისივე თქმით, ამ ინიციტივის განხორციელების შემთხვევაში მას არავითარი საბიუჯეტო ხარჯი არ მოჰყვება და ამით მხოლოდ საგადასახადო სისტემა შეიცვლება.
უკან დაბრუნება
353ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი