ორშ, 05 დეკემბერი
ორშ, 05 დეკემბერი
ახალი ამბები:
ENG
10.12.2015 | 17:35

ყაზახეთი ბათუმის ნავთობტერმინალიდან გადის

კატეგორია: ბიზნესი
"ყაზტრანსგაზოილი" ბათუმის ნავთობტერმინალს და ასევე სხვა არაპროფილურ აქტივებს, მათ შორის Rompetrol-ის აქციებს ჰყიდის. ინფორმაციას „ყაზგაზოილი“ თავის საიტზე ავრცელებს. გავრცელებული ინფორმაციის მიხედვით, ყაზახეთის სახელმწიფო ფონდის, "სამრუკ-ყაზინას" ხელმძღვანელმა უმირზაკ შუკეევმა სამშაბათს ყაზახეთის მთავრობის სხდომაზე განაცხადა, რომ ბათუმის ტერმინალის პრივატიზაცია იგეგმება. შუკეევმა განმარტა, რომ "ყაზტრანსგაზოილის" და "ყაზტრანსგაზის" ყველა არაპროფილური აქტივი გაიყიდება და ასევე მოხდება მილსადენების ტრანსპორტის გაერთიანება. ბათუმის ნავთობტერმინალის მფლობელი Batumi Industrial Holdings Limited-ია.

"ყაზმუნაიგაზის" შვილობილმა, "ყაზტრანსგაზოილმა", Batumi Industrial Holdings Limited-ის (BIHL) აქციათა 100% ჯერ კიდევ 2008 წელს შეიძინა. BIHL-ი ასევე ფლობს ბათუმის საზღვაო ნავსადგურის 49 წლით მართვის ექსკლუზიურ უფლებას. "სამრუკ ყაზინას" ხელმძღვანელმა ასევე Rompetrol-ის მფლობელი კომპანიის აქციათა საკონტროლო პაკეტის პრივატიზაცია დააანონსა.
უკან დაბრუნება
295ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი