ორშ, 05 დეკემბერი
ორშ, 05 დეკემბერი
ახალი ამბები:
ENG
27.11.2015 | 13:20

ზურაბ აბაშიძე: გამორიცხული არ არის, რომ რუსულ ტვირთებს თურქეთის საზღვარზე პრობლემა შეექმნას

ავტორი: ბიზნესკონტაქტი
კატეგორია: ეკონომიკა
 რა გავლენა ექნება საქართველოზე რუსეთ-თურქეთიში განვითარებულ მოვლენებს,  როგორც დაპირისპირებული მხარეების უშუალო მეზობელზე?, - ამ თემაზე საქართველოს პრემიერ-მინისტრის სპეციალური წარმომადგენელი რუსეთთან ურთიერთობების საკითხებში, ზურაბ აბაშიძე გადაცემა "ბიზნესკონტაქტში" აღნიშნავს, რომ არავის ინტერესბში არ არის ის, რომ ორ მეზობელს შორის ურთიერთობები დაიძაბოს. აბაშიძე აღნიშნავს რომ საქართველოს ამ შემთხვევაში არაფრის გაკეთება შეუძლია.

"არავის ინტერესბში არ არის ის, რომ ჩვენს ორ მეზობელს შორის ურთიერთობები დრამატულად გართულდეს. ეს სერიოზულად დააზიანებს მთლიანად რეგიონალურ უსაფრთხოებას და არა მარტო რეგიონალურ უსაფრთხოებას, არამედ საერთაშორისო მასშტაბით, ამიტომ იმედი მაქვს, რომ ეს სიტუაცია ნელ-ნელა განიმუხტება და სავაჭრო ურთიერთობები აღდგება. საქართველოს რისი გაკეთებაც შეუძლია ამის დიდ რეზერვს ვერ ვხედავ. ნაწილი ტვირთებისა ჩვენს ტერიტორიაზე გადის, როგორც თურქეთიდან რუსეთის მიმართულებით, ისე რუსეთიდან თურქეთის მიმართულებით. გამორიცხული არ არის, რომ რუსულ სატრანსპორტო ტვირთებს თურქეთის საზღვარზე პრობლემა შეექმნას. გარკვეულ უხერხულობას იწვევს ეს, რა თქმა უნდა საზღვრებსა და საბაჟოებზე. ყველას ესმის, რომ აქ საქართველოს ბრალეულობა არანაირად არ არის. ჩვენ სატრანზიტო ქვეყანა ვართ და აქამდე ტვირთებს ორივე მიმართულებით ყოველგვარი პრობლემის გარეშე ვატარებდით. რაც შეეხება რუსეთის ტერიტორიისკენ მიმავალ ტვირთებს პრობლემები ჩვენს მხარეზე თითქმის არ არსებობს, მხოლოდ ზაფხულის პერიოდში, როდესაც პიკია გადაზიდვების, გამტარიანობის გამო, რაღაც სირთულეები იქმნება. ამ შემთხვევაში არ ვიცი ჩვენ რისი გაკეთება შეგვიძლია. ეს რუსეთ-თურქეთის ურთიერთობაში შექმნილი სერიოზული სირთულეა და საერთო ენა მათ უნდა გამონახონ და ვფიქრობ, ასეც იქნება," - განაცხადა ზურაბ აბაშიძემ.
უკან დაბრუნება
307ნახვა
ტოპ სიახლეები
იხილეთ მედია ზონა
ნახეთ ყველა სიახლე ნახეთ მეტი